網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月7日 星期五

[忽然1周 971] Chilam頭頂現窿 Chilam,張智霖,MW,




當日試機時, Chilam俾風吹到連眼都睜唔開,仲將頭髮吹到現出一個類似鬼剃頭嘅窿窿。

媽咪姐

Chilam頭頂現窿

食住「 Cool魔」個朵, Chilam旺足成年,工作排到密麻麻。嗱,前排佢又接咗個飲品廣告,早前就去咗石澳沙灘 chok住飲。不過好唔好彩,當日又凍又大風,平時型爆嘅 Cool魔,俾風吹到頭髮亂了。咁未算慘,最慘係俾風一吹,竟然見到頭頂出現一個五毫子咁大嘅窿, Chilam有鬼剃頭?嗱,佢就話係角度問題,自己頭髮仲好濃密,叫大家唔使擔心。

其他影片

話時話,前排有傳湖南衞視出到二千萬搵 Chilam父子拍《爸爸去哪兒》,但原來一切只得個噏字,事關有關方面一路都冇講實個期。聽講 Chilam兩公婆因為唔想囝囝請假太耐追唔切功課所以推咗,仲話多多錢都唔制。咁又係嘅,喺海邊吹半日風,擺幾個 pose就有大把落袋,使鬼帶埋個仔北上咁辛苦咩!

經過一番修整,正式開機時,成個靚仔曬。嘩, chok爆!

睇 playback時,記者工作人員成棚人, Chilam仲睇到拗曬腰。認真墟冚。

靚靚不畏嚴寒,帶埋魔童去探 Chilam班,但見到記者,就帶住魔童速閃,走咗去執石仔。又幾有童心喎!

早兩日喺中環,又見 Chilam一家三口行街街,佢戴住黑超,手插褲袋,再嚟回頭一笑(小圖),嘩,型到爆呀!

其他影片


鍾意就快D Share啦!