全城熱爆的娛樂八封新聞 & 時事趣聞 & 生活 + 趣聞
陳爸成晚揸住相機影餸多過食嘢，陳媽同凱琳亦好合作，等陳爸影完先開動。
因為一套《星星》，搞到個個好似中曬韓劇毒咁，除咗迷戀都教授同千頌伊外，連劇入面嘅周邊物品都唔放過。好似千頌伊鍾意食炸雞同飲啤酒，西貢嗰間專食炸雞嘅餐廳，呢排就日日排曬長龍，真係誇張到你唔信？
嗱，呢晚就見到今屆港姐冠軍陳凱琳同阿爸阿媽都走咗去食韓燒。話時話，呢間餐廳除咗炸雞同韓燒出名之外，嗰度啲韓仔侍應同樣出曬名正㗎，可惜陳凱琳只顧睇 menu同影相，根本就唔得閒睇靚仔！陳爸呢，就每道菜一上枱先攞部相機係咁影，人未食就俾相機食先。陳氏一家果然齊心！
陳凱琳同陳媽一坐落，就聚精會神搵正嘢食。
最後仲搵個靚仔侍應幫佢哋揸機，影番張全家福。
因為千頌伊一句：「炸雞怎能沒啤酒？」令「星迷」為之瘋狂。雖然 H7N9肆虐，仍然排曬隊食炸雞。中「劇」毒冇計。
