全城熱爆的娛樂八封新聞 & 時事趣聞 & 生活 + 趣聞
面對小 S突如其來嘅尖銳問題，阿 Kay惟有極力否認，個樣鬼死咁尷尬。
大膽估計全港有一半以上男人會揀嘅 B餐謝安琪，都有失威時！早前佢上咗台灣最紅綜藝節目《康熙來了》，出名講嘢毒辣嘅節目主持人小 S（徐熙娣）好似唔知謝安琪係乜水嚟？
除咗不斷問佢有關結婚生仔嘅問題外，仲質疑佢係咪退出咗樂壇。連一向講嘢溫文儒雅嘅主持人蔡康永，都問謝安琪幾耐冇搞過演唱會，令到個氣氛不知幾尷尬！而最終嘅結果係，阿 Kay嘅出鏡率仲少過同場嗰班三、四線藝人，認真難為咗謝安琪專程去台灣做節目嘞。
見到 Kay BB同一班噏唔出名嘅台灣三、四線藝人做節目，真係令一眾網民心痛死了。
小 S一路摷 Kay嘅證件袋，一路問佢係咪已經退出咗樂壇？難怪唔少藝人都真心怕咗佢。
見到老婆俾小 S咁糟質法，作為誓死揀食 B餐嘅張繼聰，呢排隻眼都有事，迫住做「超人」，兩公婆一樣咁灰！
網民肉痛
