[壹週刊 1252] Suki佗 B收斂 Suki,徐淑敏,M1,

同你吟一吟

Suki佗 B收斂

嫁得急，生得密，生完瘦得又快嘅徐淑敏，同老公黃浩啤咗兩個女，肚皮休息兩年多啲，又嚟過。

講過三十歲前生多個，已經有咗三個月，言出必行嘅 Suki早個禮拜同老公行圓方；佗住馬 B，平時腳下最少三吋起嘅佢，是日著咗對得兩吋高仲要係船底嘅 Chanel boots，非常克制。

兩公婆喺超市買完嘢，跟住去「千両」醫肚，要等十張枱， Kenny趁等位空檔，入去 Zara買衫，$399平靚正，揀啱款唔使試，明顯平時著開。

八珍俾 Chanel人過目，是日 Suki孭嘅包包同腳上對 boots，香港店根本冇得賣，罕！雖然老公著 Zara都係歐洲品牌，但兩者價錢天同地。慳自己嘅 Kenny，婚前隨時一貨櫃女友，但拍拖三個月唔夠，就俾 Suki生擒，呢啲咪係格食格囉！

著開 Zara嘅 Kenny，知道 size，買衫買褲都唔使試，是日佢買恤衫，多謝$399，抵到爛！

圈中大肚婆出街，都鍾意用頸巾遮肚，有咗三個月嘅 Suki一樣。

買完衫， Kenny同老婆保鏢（箭嘴）一齊行返過去「千両」等攞枱。

Suki身上嘅 Chanel包包要四萬幾，對 boots亦過兩萬，不過香港都冇得賣。

鍾意就快D Share啦！

下一篇 》