[壹週刊 1252] 做好事 密謀拉老公落水 梁詠琪扮樹 8粒鐘 梁詠琪,M1,

探熱針

做好事　密謀拉老公落水　梁詠琪扮樹 8粒鐘

穀德昭與姪女穀祖琳成立的「思覺基金」（ EPISO），去年邀得十二個名人家庭拍攝月曆，為宣揚正確思覺失調訊息出力後，今年再接再厲，吹雞搵了一班娛圈瑜伽高手，包括梁詠琪、楊采妮、林德信等影 3D慈善相展，其中梁詠琪做足八粒鐘樹式動作，還打算拉埋老公落水，孖咇。

高妹平衡難

「思覺基金」搞慈善相展，穀德昭緋聞女友林子萱亦有份出力，負責聯絡工作。做善事唔嫌多的梁詠琪（ GiGi）跟楊采妮（ Charlie），即時答應。

事實上，玩瑜伽年資不算長的 GiGi，過去亦不時有跟已經由歌手轉行做了瑜伽導師的林子萱交換心得。

「我哋都覺得做瑜伽可以令身心平衡，仲可以修身，令皮膚、精神好啲。今次思覺基金係同香港大學醫學院一齊合作，佢哋有研究指經常練瑜伽可以減輕抑鬱症，而思覺失調病人好多時都會有抑鬱症，所以做瑜伽係好有幫助。」林子萱說。

影相當日，答應出力的藝人在不同時段埋位，拍攝撞正之前的氣溫跌到得十度，大家著住單薄的運動衫，擺足八粒鐘甫士，更要頂住凍被風扇長吹營造效果，個個凍到震。

GiGi帶埋私家墊影相，認真細心。

林德信由細開始玩瑜伽，十級難度動作話做就做。

楊采妮示範靜坐瑜伽，因為要營造氣氛，拍攝時，塊面要不停潑水。

身為基金發起人的穀祖琳，也有到現場探班，跟林子萱同楊采妮交流心得。

悲哀為力量

去年思覺基金舉辦馬拉松，穀德昭（左一）都有份參加。

七年前，穀祖琳弟弟祖堯，因為思覺失調病發，在祖母自殺的同一地點跳下輕生，花了兩年時間走出陰霾的小穀，化悲哀為力量，跟阿叔穀德昭、姑姐穀薇麗成立「思覺基金」，希望藉此宣揚正確訊息，推動社會關注。今年三月有大型 3D相展外，更會舉辦大型千人瑜伽活動。

「咪以為 GiGi負責嘅樹式甫士好似好容易，其實佢咁高，要做呢個平衡動作屬於高難度，加上要影幾十張相先可以做到一張 3D相，所以要企成八粒鐘先搞掂，不過 GiGi覺得好有意義，仲話如果出年再有呢啲活動，一定會叫埋老公一齊玩。」

咪睇唐詩詠身材瘦削，玩瑜伽後的她身形原來好弗。

相展中，會有林子萱同小朋友一齊玩瑜伽嘅相片。

鄭融擺嘅甫士都好有難度。

本來唔舒服的穀祖琳，影完相後即刻病到發燒。

方力申擺嘅淩空甫士好用力。

Hotcha擺咗唔少高難度甫士， Regen影相前做 warm up，做到鬼殺咁嘈。

Lam仔最勁

每個藝人分開拍照，最後湊成這張大合照。

至於 GiGi的好姊妹楊采妮，則示範靜坐瑜伽。

「瑜伽唔一定做到高難度動作先叫勁，靜坐亦可以好高深，要好平靜， Charlie有一道氣場，成個人好 graceful。」身為瑜伽導師的林子萱解釋說。

一靜一動，有芭蕾舞底的鄭融，負責擺出連串高難度動作。「我覺得佢嗰日好性感，身體語言好強；林德信更加唔使多講，佢自細已經有玩，本身又係教練，佢嘅動作係十級難度。」

男友穀德昭又如何？林子萱笑說：「如果佢做就好震撼，嗰段時間佢開緊戲，下次啦，我估佢一定做。」

鍾意就快D Share啦！

下一篇 》