[FACE 361] 訪港 3日掘千萬 金秀賢集郵限定 金秀賢,MF,

一直心情哀傷嘅都教授，上台後亦好專業，有人妻粉絲表示自己同個仔都好鍾意佢時，都教授講笑話：「你老公知道嗎？」打破哀傷氣氛。

《蘋果日報》圖片

FBI

訪港 3日掘千萬　金秀賢集郵限定

韓劇《來自星星的你》播完將近兩個月，但《星星》熱潮依然有增無減。本地《星星》迷等到頸都長，都教授金秀賢終於喺本星期二訪港，展開 3日 2夜香港之旅。

自從拍完《星星》，都教授就馬不停蹄訪華吸金，每次仲係亮一亮相就穩袋幾百萬甚至過千萬「人仔」。好似上週五（ 18日）咁，金秀賢同全智賢孖住去北京出席 Samsung活動，就袋穩 2千萬人仔（約 2千 5百萬港幣）。可惜上週南韓突然發生客輪「歲月號」沉船事故，為哀悼死難者，原本「雙賢」都向主辦單位提過想取消北京之行，但被主辦單位拒絕，所以「雙賢」惟有忍痛飛北京。當晚活動， 2人唔只笑容唔多，最奇怪係明明同台，但竟然前後腳出場全冇合照。 FBI聽聞， 2人因為全韓國正哀悼沉船死難者，為免喺呢個愁雲慘霧時候，佢哋反而輕鬆搵錢，所以決定分開上台見 fans。

至於金秀賢喺本週三出席嘅莎莎活動當然亦冇得延期，傳聞酬勞高達千萬港幣，金秀賢為免太高調掘金，所以今時唔同往日嘅金秀賢，大約只會喺護膚品牌記招亮相 10分鐘，同埋限定「集郵」數目，唔會同各位出席嘅嘉賓好似羅霖、黎芷珊等影相，但莎莎老闆郭少明同太太當然另計

上週五（ 18日），全智賢同金秀賢同機飛去北京出席 Samsung手機活動，雖然同拍檔金秀賢同台，但奇在二人刻意前後腳亮相，唔肯合體。 FBI聽聞係因為現時國難當前，二人唔想咁高調商演。《蘋果日報》圖片

受南韓「歲月號」海難影響，週五（ 18日）金秀賢著住深藍色衫出發，抵達北京機場時，一直低頭，仲流露出悲哀神情。網上圖片

全晚同都教授分頭行事，全智賢做好本分，上台時用普通話打招呼：「你好，很高興跟大家見面。」接受司儀訪問更透露自己好鍾意做運動。網上圖片

唔梳招牌都教授齊蔭頭嘅金秀賢，就話好想好似都教授咁擁有超能力，能經歷長生不老。而且仲透露好鍾意食小籠包，香港 fans識做網上圖片

週日（ 20日），「雙賢」只留下金秀賢為車展做嘉賓。由於都教授出場前有過千粉絲迫爆會場，活動一度要取消，但最後金秀賢亦突然現身，仲向 fans鞠躬道歉，可惜最後露面 3分鐘就走人。網上圖片

完成車展活動後，金秀賢被影到著住運動裝去打羽毛球，都教授果然精力旺盛。網上圖片

今次金秀賢香港三日兩夜之旅，由莎莎化妝連鎖店同韓國 LG旗下化妝品牌 BEYOND合辦，到時莎莎老闆郭少明同郭太肯定有機會搵都教授「集郵」，但其他「美魔女」嘉賓就唔敢包喇！

鍾意就快D Share啦！

下一篇 》