[FACE 361] 古天樂父愛笑容 古天樂,MF,

近排忙緊拍《 5個小孩的校長》嘅古天樂，上週四（ 17日）已經收拾好心情出席慈善活動。影帝？下年再嚟過囉！

FBI

古天樂父愛笑容

同獎項冇乜緣嘅古天樂，入行近 20年都只係攞過電視台嘅豬肉獎，上週日（ 13日）再一次失落金像獎影帝，之後仲要俾成龍寸咗一下，話同佢一樣拍咁耐都未攞過獎，真係火都嚟！

上週四（ 17日）古仔收拾好心情，出席一個兒童慈善基金會活動。當日佢比平時多咗笑容，仲不時同班小朋友有互動。向來都有做慈善工作、喺國內仲靜靜雞起咗 61間學校嘅古仔，仲自爆曾經帶過一個有病嘅小朋友去佢收藏玩具嘅地方，搞到個小朋友鬼咁開心起勢影相。咪睇古仔黑黑實實 cool到震咁，見到可愛小朋友即刻父愛出曬嚟囉！ 43歲仲單身嘅古仔，幾時搵啱人結婚先？

古仔同小朋友頭黐頭，呢啲畫面平時好少見。

入行近 20年，搵過億嘅古天樂一直低調行善，近 5年來喺內地捐建咗 61間學校，但佢就一直低調行善，只透過經理人回應過：「捐幾多錢唔想講。自己有少少成就，有能力就幫忙，會一直做落去。」呢間舜江希望小學就係由古仔捐錢興建。

尷尬笑

上週日（ 13日）喺金像獎現場，俾成龍話佢同自己一樣冇攞過獎，即被網友加咗個粗口畫面。

鍾意就快D Share啦！

下一篇 》