[FACE 361] 李蘊婚戒穿煲 李蘊,MF,

婚後已經少咗工作嘅李蘊，上週三（ 16日）就同好友綠魔一齊出席活動，仲俾 FBI發現佢戴咗結婚戒指，雖然佢係戴喺中指（象徵訂婚），不過一睇個款係十足婚戒咁喎！其實結咗咪結咗，大方啲仲好

FBI

李蘊婚戒穿煲

只有 23歲嘅李蘊，半年前被《 FACE》踢爆喺英國秘婚後，一直匿埋冇乜出席活動。直到上週二（ 15日），李蘊好友超蓮喺微博稱呼李蘊做「賢妻」，間接踢爆李蘊已婚後，情況似乎有啲唔同。

上週三（ 16日）李蘊同「綠魔」 Karl一齊出席活動， FBI發現佢手上戴咗隻疑似結婚戒指！李蘊解釋點解超蓮會叫佢做賢妻時話：「當晚只係我同 G.E.M.、超蓮微信，超蓮突然話轉發我係賢妻，佢覺得我似嘛。」不過佢又補充話「男友」羅章冠係結婚對象，不過唔想男方家人曝光，所以婚事唔會鋪張喎。又話同男友雖然已經拍咗年半拖，不過仍然好恩愛。 FBI話齋，解釋咁多做乜？不如爽快認已婚仲好

二人曾經同遊英國，初時打算低調拍拖，就係呢張相分別喺各自微博 po嘅相，出賣佢哋。

28歲，喺廣州渣打銀行分行做「行長」嘅金融才俊羅章冠，大多時間喺廣州返工，李蘊話佢哋用視像嚟維繫感情，仲 keep住咁恩愛。

鍾意就快D Share啦！

下一篇 》