[FACE 361] 攻陷 MK 天堂鳥 MV搵女 天堂鳥,MF,

週日（ 20日），天堂鳥 3子帶住 20個 dancers，踩入旺角行人專用區大跳快閃舞，其間引來過百途人圍觀，爭住影相。

FBI

攻陷 MK　天堂鳥 MV搵女

近排 MK-pop熱潮蔓延全港，比較有紋有路嘅當然係 3人男子組合天堂鳥，〈登陸太陽〉豁出去豁到出曬位見勢好， 3位 MK男當然食住上，週日（ 20日）率領 20個 dancer踩入旺角行人專用區跳快閃舞造勢，吸引過百途人圍觀。

〈登陸太陽〉成功搶灘，當日天堂鳥就向 FBI爆料，話𠵱家籌備緊新 MV，歌名同內容要暫時保密喎，但將會為新歌 MV公開招募女主角，仲會喺本週六同週日（ 26、 27日）進行面試。至於揀女主角嘅條件，佢哋講笑話：「冇限年齡，甚至高矮肥瘦都可以，其實夏蕙姨都得㗎！」係咪先？

今月頭，處女歌〈登陸太陽〉雖被指抄日本歌，但引起大把人討論，算係成功

天堂鳥食住 MK-pop熱潮，將拍攝第 2首歌 MV，現正公開招募新 MV女主角，年齡不限。有興趣嘅港女，不妨登入佢哋嘅 fb專頁下載表格，週五（ 25日）就截止。

走去旺角融入 MK文化，天堂鳥話：「旺角好多人，好開心可以帶更多歡樂畀市民，希望可提升知名度。」

鍾意就快D Share啦！

下一篇 》