[FACE 361] 梁洛施鑲鋼回歸 梁洛施,MF,

細心一睇之下， Isabella原來仲未除牙箍。不過 25歲女啫，又要幕前演出，貪靚人之常情嘅。

FBI

梁洛施鑲鋼回歸

已經係三子之母嘅梁洛施（ Isabella），去年 9月宣布復出，仲拍咗張艾嘉執導嘅《念念》。近排佢又熱烈回歸香港，參與師傅詹瑞文嘅舞台劇《快樂勿語》演弱聽者，仲會唱埋同名主題曲添！

上年拍過戲， Isabella今年 comeback演舞台劇都算好快上手，詹 sir都忍唔住讚佢：「佢由最初只得 55分，到現在已達到 80分，進步得好快。」 FBI當日都有去見嚇呢位傳奇 Isabella，對住記者提問佢仍然表現得好大方得體，就算記者問起三位小朋友，佢都大方表示一個月會返去加拿大一星期陪佢哋。

就喺 Isabella答緊問題嗰陣， FBI發現佢口腔有條鋼，原來仲箍緊牙。 Isabella上年復出時話因為想靚啲而箍牙， FBI就了解過內箍嘅療程由 2年到 4年不等，即係 Isabella最快要出年先可以除箍。

喺舞台劇入面飾演弱聽者嘅 Isabella，今次仲會唱埋主題曲，師傅詹 sir明顯比位佢上

雖然脫離咗娛樂圈已經好幾年，不過已經係三子之母嘅 Isabella依然記得要小心防走光。

上星期金像獎結束， Isabella即刻坐保母車返南灣寓所，冇去任何慶功，做咗媽咪嘅 Isabella果然深閨。

鍾意就快D Share啦！

下一篇 》