掃呢頁CODE去手機

2014年4月23日 星期三

[FACE 361] 世界波 過大台講波 大埔 LuLu蜜拖 6呎猛男 LuLu,BKD_S,MF,




18/4 繑到實

大埔 LuLu上週五工作後即約做廣告導演的男友行街,走勻港九新界,女神不時繑實男友手臂,唔怕被人認出。

真面目

世界波 過大台講波 大埔 LuLu蜜拖 6呎猛男

世界盃又到,今年大台獨攬轉播權,免費賽事只得 22場,想睇全套 64場又係要畀錢。據知大台為咗加強主持陣容和新意,竟向高登女神兼有球壇燈神之稱的大埔 LuLu董嘉儀招手, LuLu於 5月中做完 now的講波節目便會動身,即係話 LuLu將會燈到過無綫!

燈神 fb粉絲過 12萬,日日親自回覆留言,原來情場亦得意。上週五( 18日)拖實 6呎高男友浪漫遊街, LuLu事後承認已拍了 4年拖:「佢係廣告導演,結婚過幾年先啦,我都仲細,得 20歲!」



其他影片: >>LuLu樹熊掛仔










高登女神 LuLu講波估波出曬名係明燈,只貼中過 1次歐冠盃,跟佢買九成輸,但人氣反而有增冇減,除早前同張智霖合拍 MV外,工作亦愈來愈多,連 TVB都睇中佢。

在 now主持過《球分》及《巴克萊英格蘭超級聯賽》, LuLu於 5月中英超結束後極可能過檔 TVB。

《蘋果日報》圖片

做過亞視

LuLu(左)的電視生涯早在 4年前亞視開始,當年主持體育節目《 i sports》,可惜冇乜人知。

前年甲組聯賽大埔同太陽飛馬踢護級戰,大埔最終落敗降級, LuLu一度痛哭,激發起網民同情心。

《蘋果日報》圖片

未傾好價

據知 TVB已向 LuLu招手,遊說她 6月過檔今年世界盃節目,而 LuLu正在 now主持的英超節目將於 5月中完結,她亦非 now的合約藝員, LuLu過檔機會極大。

記者上週致電 LuLu,她表示 TVB確有接觸過她:「 TVB上星期係搵過我,不過好初步,我連會做咩都未知,邊種合約形式都未傾,錢方面都係經理人幫我傾咋。我喺 now個節目會做到 5月中,又唔係話一定過 TVB嘅,始終我仲喺 now,咁講唔係幾好!」至於 now有冇開價挽留,她就唔方便答。

工作有新發展,感情則好穩定, LuLu與男友拍拖 4年相處融洽;上週五( 18日) LuLu出席完宣傳活動後,就約埋 6呎高大威猛男友在銅鑼灣行街,然後到旺角朗豪坊午餐,其間拖手、搭膊頭非常親暱,食完飯 shopping完,再齊齊坐的士返天水圍屋企。

事後 LuLu大方回應:「佢係廣告導演,又拍過啲網上短片,但唔出名㗎!唔想講佢叫咩名喎。感情係好穩定,但係結婚過幾年先啦,我都仲細,得 20歲,做嚇嘢先」拍拖梗係要低調,高登仔好小器㗎!

搭膊頭

身高 6呎男友亦好識照顧 LuLu,人多或過馬路都會搭住女友。

扮樹熊

LuLu小鳥依人,連搭扶手電梯都要攬實男友,恨死高登仔

愈撈愈掂

LuLu早前簽了新經理人,工作亦愈接愈密,近日連續出席兩個活動,據知佢騷價大約萬二至萬五,視乎工作性質同衣著而定,新人嚟講個價算唔錯!

男神睇中

張智霖年初找來一眾高登女神包括謝安琪、魯芬等拍〈你是如此難以忘記〉 MV,當然唔少得大埔 LuLu,女神界都算有名。

網上圖片

肉照無限 loop

董嘉儀( LuLu) 4年前修讀香港酒店旅遊學院高級文憑時,已兼任模特兒,做過私影女及運動產品代言人, 11年突然有半裸性感相流出, LuLu回應承認是相中人,當年為私人留念而叫相熟攝影師拍照,不知為何會被流出。

好在肉照流出沒有影響 LuLu形象,除被高登仔視為珍藏,有 LuLu話題例必回帶外,她更成為和富大埔足球大使,其後成為 now TV《撳錢》和《球分》等主持。

當時只得 17歲的 LuLu影半裸照,只用雙手遮胸非常大膽,問到攝影師是否就是她的男友,她卻拒絕回答。

網上圖片

LuLu樣子甜美被高登仔選為女神,其實她 16歲開始已做私影模特兒。

網上圖片

網上圖片

冷飯世界盃

TVB為迎接世界盃,除了 LuLu之外還邀請了盧覓雪、農夫及泰臣組成「低俗講波團」在收費台播放,免費台就有黃翠如和洪永城借《走過浮華大地》個名主持《走過足球聖地》,曾志偉則搞《獎門人世界盃篇》,冷飯炒極唔厭。

《獎門人》又嚟!今次話就話用世界盃做主題,其實咪又係嗰班人,睇到煩

《走過足球聖地》前奏已有得睇,黃翠如同洪永城十足咖啡伴侶咁分唔開,我想睇波呀!



鍾意就快D Share啦!