網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月5日 星期四

[壹週刊 1265] 處男下海 張家輝 一味靠嚇 家輝,張家輝,M1,




張家輝首執導演筒拍鬼片,落手落腳指導飾紅衣女鬼的大馬模特兒做戲。

探熱針

處男下海 張家輝 一味靠嚇

爆肌爆到再做影帝的張家輝,賣完 body再賣腦,處男執導拍鬼片《盂蘭神功》,在馬來西亞取景拍一場紅衣女鬼出現的戲份時,剛巧有班學生妹經過,張導即場試反應,結果嚇到班妹妹仔𠵱嘩鬼叫,收貨!







一定合格

自導自演的張家輝在新作《盂蘭神功》中著恤衫戴金絲眼鏡扮文弱書生,收埋人魚線,對處男作,他充滿信心。

「我唔敢講呢部係驚世之作,但肯定係一部合格嘅鬼片,入面嘅驚嚇場面同氣氛,一定可以滿足到觀眾。」張家輝說。

電影拉隊到馬來西亞取景,其中有個紅衣女鬼被吊在建築物門外的鏡頭,令張導好難忘。「工作人員打好燈度好位,扮女鬼嘅大馬模特兒都預備好曬,一頭散髮,件紅袍又大又長,見唔到五官同手腳,咁啱有班學生妹經過,個個都好大反應。」

等埋位時家輝突然手指指向對面街大嗌,有些等睇戲的街坊都俾佢嚇親。

一班女學生經過吊住紅衣女鬼的建築物前,循家輝指著的方向望去,即被嚇到走夾唔抖。

被吊起的大馬模特兒也被女學生驚慌失措的行徑逗得笑起來。

心悠抽水

當時大概有七、八個學生行經外景地,因為顧住傾偈沒有為意,行到吊起紅衣女鬼的建築物時,企在對面街的張家輝突然大嗌:「喂!小心睇住呀。」眾人不以為意,回頭一看,見到披頭散髮紅衣人,個個嚇到又叫又走。效果夠驚嚇,張導滿意之餘,原本已經收工的劉心悠,亦忍不住抽抽水,在紅衣女前留影。

除了一味靠嚇,張家輝在戲中要俾人呃錢又要俾女飛。

「今次個角色完全唔同以往嘅電影,我想俾大家知道,我都可以做一啲脆弱同斯文嘅角色。」張家輝說。

剛收工的心悠 BB目睹女學生遭家輝整鬼的一幕,也要跟紅衣鬼遠距離拍驚驚照留念。

戲班不停發生奇怪事件,令飾班主的家輝無所適從。

咪以為家輝鬼上身,只是拍鬼戲現場較嚴肅,家輝不時會整古做怪搞氣氛。

在《盂蘭神功》中飾戲班花旦的劉心悠會被鬼上身,拍起來七情上面。

劉心悠與張家輝在戲中會有感情線,但心悠的忽冷忽熱令家輝又愛又恨。



鍾意就快D Share啦!