44歲莫文蔚遮肚洩孕味
剛度過44歲生日的莫文蔚（Karen），2011年在意大利與德國籍初戀男友Johannes結婚，度過三年溫馨蜜月期，而婚前Karen有見老公已有三名子女，曾揚言不準備做媽媽，但日前見Karen戴黑超、口罩神秘出現婦產科診所，惹人懷疑Karen「意外有喜」搞出人命。
今年娛樂圈勁旺「添丁」，日前楊冪為劉愷威剖腹誕下7磅B女「小糯米」外，圈中還有多位準爸媽如呂慧儀、汪圓圓及陳浩民太太相繼今年生B，令娛樂圈非常熱鬧。不過，最令大家驚喜是剛踏入44歲的Karen，有可能當上「高齡產婦」。
一向身形fit爆的Karen，日前竟以鬆身tee裝束及運動鞋，又戴上黑超及口罩刻意掩人耳目打扮，出現在中環著名「婦科聖手」的醫務所，因醫務所內以「大肚婆」居多，Karen的出現即惹起不少「準媽媽」投以奇怪眼光，而Karen亦表現避忌，即以小手袋來遮肚，可謂「孕味」甚濃。
助手多謝關心
據知Karen與Johannes結婚後，老公Johannes一直居住英國，Karen只要不用工作時便飛回英國爭取和老公相聚時間，據知五月時Johannes亦有來港與Karen短聚，正所謂小別勝新婚，讓兩夫妻感情更見恩愛。雖然Karen結婚時曾表示因老公上一段婚姻已有三個子女，所以，她可以不用生B，盡情享受婚姻生活。但世事總有「意外」，見Karen單拖在婦科醫務所若有所思樣子，似有事讓她大傷腦筋。
對於Karen睇婦產科懷疑「有喜」，昨日Karen助手透過電話表示：「你哋諗太多，多謝大家關心咁女人睇婦科都好正常，年年驗身啫，亦唔係有唔舒服。（間醫務所好多大肚婆睇？）咁診所咁多人，有大肚婆唔奇嘅。」
王梓軒送祝福
至於和Karen私交甚篤的王梓軒，被問到可知Karen疑似有喜一事？梓軒表示：「我唔知喎，佢冇同我講，如果真嘅我梗係祝福佢，亦都希望Karen同老公、小朋友都健健康康。因為Karen都好忙要拍戲，又做巡迴騷，加上屋企之前有啲事情，都知佢壓力頗大，係真嘅話，咁佢可以得到真正快樂，我祝福佢。」
文：音樂組
|
鍾意就快D Share啦！
|
|
|