[FACE 367] 孝順仔 惡病纏身 司馬燕賣樓留遺產 17歲吳澋滔苦撐：唔識答 司馬燕,吳澋滔,司馬燕大仔,MF,

23/5吳澋滔參加完學校活動，劃咗花面貓嘅司馬仔，拿住杯雪糕對鏡頭保持笑容，有問必答好有家教。問他是否很擔心媽咪病情，他則說：「佢𠵱家都 ok呀！」

真面目

孝順仔　惡病纏身　司馬燕賣樓留遺產　 17歲吳澋滔苦撐：唔識答

司馬燕 12年發現患上胃癌，馬上動手術保命，體重由 100磅跌到 60磅。好景不常，今年 2月司馬燕再次發現疤痕瘜肉增生而壓住膀胱， 4日內做 2次手術，少啲生命力都頂唔住。

今日唔知聽日事，已經動過 2次大手術的司馬燕不得不作好準備，正準備變賣北京物業套現，「我會將全部錢俾曬兩個仔。」 17歲大仔吳澋滔對媽咪這個決定，無奈表示：「唔識答」。

其他影片：>>勁萌司馬仔

剛渡過 51歲生日的司馬燕， 12年因胃癌而接受全胃切除手術，至今年 2月再因化療後遺症，疤痕瘜肉增生壓住膀胱而需再動手術，不過得番 70磅的司馬燕仍樂觀面對，早前接受電台訪問時還笑說：「好似女王一樣，老公陪我睇戲，兩個仔放學返嚟又會攬嚇我。」

自司馬燕病後，一家人變得更齊心，去到邊，老公同兩個寶貝仔都會陪實。《蘋果日報》圖片

荷蘭「再婚」

去年 7月，老公吳忠義帶住司馬燕去荷蘭，補影結婚相兼慶祝結婚 17週年紀念。

雖然病緊，不過一早安排好要搬屋，司馬燕一家已搬入紅山半島新居。圖片

攬錫媽咪

拍過電影《父子》兼攞過金像、金馬獎嘅大仔吳澋滔，今年轉眼 17歲，將於明年到英國繼續學業的他，本刊發現他近日仍然眉頭深鎖，笑容欠奉，放學後大多與細佬澋耀目無表情，上月 20日他與朋友在尖沙咀飲咖啡時，更不時托頭捽眼，似乎仍為媽咪擔心。

據知自司馬燕 12年發現癌症開始，澋滔和細佬澋耀放學都會馬上返家，更學懂照顧媽咪，放學返家又會自動波攬著媽咪錫、講「 I Love You」。面對住一對寶貝仔，司馬燕說：「如果要走，無嘢係可以帶走，我嘅物業唔留俾佢哋，仲可以俾邊個。我只係覺得走嘅時候，做應做嘅事，我會將國內物業變賣，所有錢留俾佢哋，始終今日唔知明日事。」

20/5視像吹水

同朋友去咗 the one歎咖啡，期間吳澋滔攞手機同女性朋友視像，但佢就同本刊講話冇拍拖，因為功課好忙喎！

捽眼仔

冇同朋友傾偈，吳澋滔不時捽眼，似乎仲好擔心媽咪。

21/5為食仔

放學返家，吳澋滔食住薯片行返屋企，又雪糕又薯片，因住變肥仔喎！

明年英國開學

06年吳澋滔憑住同郭富城合作嘅《父子》攞咗 4個獎，最佳男配角都攞三次， 9歲已經見過大場面。記者問他會否再拍戲，他說：「如果有，都係通知咗我媽咪先！」他更說都係讀書為重。

雖然司馬燕健康情況再響警號，但司馬燕仍堅持大仔吳澋滔明年要到英國讀書，老公吳忠義將於今年暑假，帶住兩個仔到英國搵學校，而司馬燕則留港養病。

上月 23日，參加完學校活動的吳澋滔，邊食雪榚邊直認將於明年到英國繼續學業，又說媽咪身體近排都 OK，又話自己冇拍拖。對答如流，但講到媽咪準備將財產留俾自己，吳澋滔即呆一呆，並表示「我唔識答」。真情流露！

鍾意就快D Share啦！

下一篇 》