秋生貼錢搶視帝
影帝黃秋生相隔20年回歸香港電視圈，「出山」接拍好友王心慰監製的無綫新劇《梟雄》。為襯得起這位影帝，新劇排出強勁陣容，出動三屆視帝黎耀祥、視後胡杏兒及劇後蘇玉華陪襯秋生，據知更助秋生鋪路贏視帝省靚招牌，難怪秋生笑言劇酬連入油都唔夠，但貼錢都要拍。
雙帝對決
為報答監製知遇之恩，秋生寧願貼錢都接拍《梟》劇。
祥仔有幸與影帝合作拍劇，期待擦出火花。
雙後鬥戲
「視後」胡杏兒大戰「劇後」蘇玉華，論睇頭不遜於雙帝對決！
蘇玉華
重頭劇《梟雄》卡士強勁，一班演員飲定香檳預祝收視有好成績。
繼吳鎮宇、黃子華與張智霖等好戲之人返無綫拍劇後，影帝黃秋生亦落實接拍好友王心慰監製的無綫新劇《梟雄》，相隔20年再拍香港電視劇。無綫為隆重其事，以強勁卡士及銀彈為他打造回歸香港電視圈的頭炮。能夠邀請秋生「山生」拍劇，全因王心慰出動人情牌打動他，見秋生一口答應，無綫不敢怠慢為該劇打造鑽石陣容，找來三屆視帝黎耀祥（祥仔）與視後胡杏兒，以及秋生師妹、曾奪舞台劇「最佳女主角」的蘇玉華助陣。而久未拍港劇的湯鎮業及男神馬國明、吳卓羲與唐詩詠等亦有份演出，齊齊做場好戲！
歷來投資最多劇集
《梟》劇為今年重頭劇，故無綫投放大量資金，監製王心慰昨日於電話中坦言該劇是她於無綫投放最多資金的電視劇︰「係天文數字！好似喺上海影城搭景，衫同車都用好多錢，而且一場普通街景，臨時演員都會有200至300人。」她還透露《梟》劇以20至50年代為主題，將於下月開鏡，預計拍攝近半年，並於上海取景。如此大製作及華麗卡士，據知無綫想為影圈獲獎無數的秋生能夠一嘗奪視帝滋味而鋪路，問到是否想秋生憑此劇奪視帝，王心慰說︰「總之拍我劇嘅人，我都想佢拎。」
昨日秋生、祥仔、湯鎮業、吳卓羲與唐詩詠等出席《梟》劇記者會，女主角胡杏兒、蘇玉華與馬國明因工作缺席。秋生坦言今次「出山」拍劇是答謝王心慰當年提攜之恩︰「唔係還人情，係一個心願想再拍Amy（王心慰）嘅戲。當年仲喺亞視，多謝佢搵我拍《王昭君》。」問到拍無綫劇有何要求？他說︰「化妝同住嘅地方，返內地拍嘢住好緊要，休息得唔好會好攰。」更笑言拍劇酬勞少︰「返嚟嗰份入油都唔夠要倒貼咁滯。」而有幸與秋生與湯鎮業合作的祥仔相當期待，希望會有化學作用︰「劇情講我同秋生係好兄弟跟湯鎮業打天下，後來變成三雄鼎立。」
推Job半年唔諗損失
事後，秋生於電話訪問中表示已要求無綫拍攝時用兩部機一齊拍，又透露為該劇減磅及操Fit肌肉。對於拍攝歷時半年要推掉不少工作，問到損失多少？他說︰「唔計仲咩要令自己唔開心。」提到有指無綫鋪路贏視帝，秋生笑言冇意義：「有就多謝，冇都冇所謂！金像獎我唔恨拎，除非係奧斯卡。」
雙帝對決
為報答監製知遇之恩，秋生寧願貼錢都接拍《梟》劇。
祥仔有幸與影帝合作拍劇，期待擦出火花。
雙後鬥戲
「視後」胡杏兒大戰「劇後」蘇玉華，論睇頭不遜於雙帝對決！
蘇玉華
重頭劇《梟雄》卡士強勁，一班演員飲定香檳預祝收視有好成績。
|
鍾意就快D Share啦！
|
|
|