[FACE 371] 撈埋時裝 內地連開 15店 Stephy元創方睇鋪賣衫 Stephy,鄧麗欣,MF,

榮升 15間時裝店老闆娘，對於新店選址、設計都親自參與，完全冇假手於人㗎！

真面目

撈埋時裝　內地連開 15店　 Stephy元創方睇鋪賣衫

今年回流香港， 30歲 Stephy鄧麗欣重投恩師 Paco黃柏高打骰嘅太陽娛樂，即刻開 turbo出碟、拍戲打孖上。

據知， Stephy最近有份投資內地時裝品牌「百冠」，開足火力連開 15間分店，仲身兼模特兒做埋生招牌，網上狂谷自家品牌。榮升老闆娘嘅 Stephy，最近仲去到潮流新地標 PMQ元創方睇鋪，幕前幕後都回歸香港。

其他影片：>>直擊 Stephy搵鋪

重投 Paco旗下， Stephy忙到踢曬腳，至今已經接下《男人唔可以窮》和《辣警霸王花》兩套電影；另一方面又開始錄音出碟，原來背後仲有大茶飯。

PMQ元創方開放畀本地一班創意工作者開設個人店舖， Stephy見到同樣係賣時裝嘅舖頭時，都入去參考一下，正所謂知己知彼，百戰百勝！

Stephy見到心水舖位時，即刻攞部電話影低，睇個樣仲好滿意添。

網上谷生意

據悉 Stephy有份投資的時裝店「 Loey」，今年已開設了 15間新店，分別在河北、重慶、深圳、四川等地，除強國外，下一站亦想在港發圍。

升呢做老闆娘的 Stephy，為了品牌鋪路打入香港市場，日前已親自做模特兒拍攝宣傳照，同時間著住品牌服裝出席各大場合增加曝光，仲係個人 Instagram大肆宣揚，狂谷品牌服裝。

由警察宿舍改建成的 PMQ元創方，提供舖位畀一班有志發展個人創意的潮人，連黃霑女兒黃宇詩都係租客，據聞有唔少藝人都有興趣開舖，不過要排隊和審批，唔係話開就開㗎。

睇完舖， Stephy即刻急急腳去到詢問處攞資料返屋企慢慢刨。

PMQ巡吉舖

時裝品牌主攻內地市場，老闆娘 Stephy亦有意在香港發展。上週五（ 27日）， Stephy拉埋一班同事去到最近因「 1600 Panda」 hit爆嘅中環 PMQ元創方視察環境，一去到就上二、三樓的租舖視察，見到心儀鋪位即刻用電話影相記錄。

睇完一輪鋪位後， Stephy仲去到詢問處攞埋有關資料。離開時本刊問 Stephy有關內地時裝生意，她說：「現時主攻內地市場，其實係香港冇鋪頭，希望遲啲可以有埋鋪頭，呢度（元創方）都係唔錯選擇。因為自己對時裝有興趣，加上讀過時裝設計，所以同一位女性朋友合作，仲做埋模特兒拍埋宣傳片。」咁有生意頭腦，小方真係識揀喇！

入股民企

「深圳百冠服裝有限公司」於 05年成立，短短 9年時間，已經在內地的女士服裝市場打穩陣腳； Stephy今年才開始投資，與一位好友入股以「 Loey」名義開店，未夠一年已開了 15間，更有意在香港開分店。

Stephy自己做埋生招牌，著上所屬服裝拍攝宣傳照，仲係網上呼籲網民多多支持，識得利用網絡力量，相當有生意頭腦。

Stephy有份投資的百冠旗下「 Loey」，在河北、重慶、深圳、四川都有分店，今個月底仲會在深圳開旗艦店，認真巴閉。網上圖片

網上圖片

齊齊回流

11年， Stephy和方力申齊齊走到內地發展，拍過唔少劇集搵人仔，今年又齊齊回流， Stephy除幕前發展，又搞時裝生意；方力申就幫大台拍劇，據聞遲嚇都會重投 Paco旗下，兩公婆打風都打唔甩。

方力申𠵱家為新劇《華麗轉身》開工，呢日同場有宅男女神岑麗香，不過小方就完全唔過電，仲全程機不離手，笑到咁，係咪同 Stephy報告行蹤先？

新劇同鍾嘉欣有感情戲份，不過兩人都心有所屬，緋聞？ No way

鍾意就快D Share啦！

下一篇 》