網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月2日 星期三

[FACE 371] 嚴防假冒 記者證都炒 吸金李敏鎬 安檢過 3關 李敏鎬,MF,




可愛笑

俾女粉絲圍,李敏鎬肯定唔係第一次,不過男神仍然會低頭傻笑,唔好咁可愛

真面目

嚴防假冒 記者證都炒 吸金李敏鎬 安檢過 3關

近年韓流襲港次數愈來愈密,幾乎一個月點都有幾位男女神訪港,追捧韓星嘅粉絲亦漸漸增多。不過要同韓星近距離接觸,有時需要出錢出力再出街至得!

吸收 4月「都教授」金秀賢來港的教訓後,週日( 29日)淩晨來港的亞洲男神李敏鎬,來港出席 OSIM小梳化宣傳活動,公關們個個提醒十二分精神,皆因神通廣大的香港粉絲們為見男神一面真係咩都做得出,甚至有人偽造記者證再以過萬元賣畀 fans以身試法。難怪當日入場要過 3關,保安仲勁過 689!







週日( 29日)從上海來港的李敏鎬,原定於上週六晚到港,可惜飛機延誤關係,一改再改最終男神於淩晨近 2時至出境,不過仍有近百粉絲接機。

萌嘟嘴

李敏鎬一啲都唔 cool,仲表情多多添!

〈繼承者們〉 hit到爆令李敏鎬成為亞洲男神,你唔係未睇呀?

網上圖片

高森美半個頭

亞洲男神勝在有一雙長腿,仲高過做司儀嘅森美半個頭(左),睇嚇 3位女 fans個傾慕眼神,就知佢對長腿威力有幾勁!

一萬蚊抽門票

貴為 OSIM亞洲區代言人,李敏鎬週日( 29日)在機場亞洲博覽館舉行一次粉絲見面活動,由於過往有粉絲為見韓星一面,不惜偷入活動場地,或是假扮工作人員潛入,今次男神的見面會,公關實行設定三關,閘住想偷入場地的粉絲。

以往的韓星活動,粉絲們都會預先收到入場門票,開騷當日憑票入場好輕鬆。而今次的見面會,想與偶像見面,要先消費一萬,再參加抽獎才有機會得到門票。有不少粉絲即向相熟傳媒朋友求救,可惜今次活動,每份報章、雜誌只批准 2名記者入場,結果活動當日便有不少粉絲因冇票入場而焗企場外。

對名對樣作實

週日( 29日)中午,公關已擺好陣,不論傳媒或被抽中換門票的粉絲都必須帶住有自己樣和全名的身份證,以供核對,取證後再到場地門口,經職員再檢查一次證件或門票是否偽做,才可進入紙板影相區,之後再入見面會場地時,又會有第二批職員再次檢查門票,更有人親自帶位,若發現座位已有人坐,即會重覆檢查,盡量趕絕假門票。至於見面會後,記者憑證再進入後台與李敏鎬做訪問,公關亦會要求記者出示多一次身份證作實身份,為了趕絕粉絲亂來,今次保安超認真。

據知今次入場要過三關,全因之前韓星來港,不少粉絲做假證偷偷入場。知情人士說:「香港嘅粉絲最瘋狂,佢哋可以喺後門潛入,又或者趁人多混亂竄入場,跟住工作人員入又有,做假證當然都有啦,最離譜係今次有人冒認記者兼造假證賣畀粉絲,而韓國人好保護藝人,亦好注重粉絲嘅行為舉止,所以要做到趕絕白撞友,韓星至會放心繼續嚟。」

賣力氹女

勁多粉絲都好恨同李敏鎬近距離接觸,呢位粉絲仲要俾男神捉手捉成秒,開心死!

週日( 29日)做完見面會,李敏鎬就去咗圓方食晚飯,成班粉絲追車唔使講

拖鞋閃人

週一( 30日)淩晨李敏鎬便裝涼鞋離港,唔緊要,佢 11月會以個人名義再來港開個唱喎!

李洪基任抽唔嬲

韓國人氣樂隊 FT Island主音李洪基,早李敏鎬一日,上週六( 28日)踩入九展舉行見面會,除咗例牌唱嚇情歌,高潮位當然是他跟現場女 fans玩接新娘遊戲,其間一班上台女粉絲唔只大跳辣身舞吸引基哥,更有粉絲乘機熊抱,抽得就抽。

被磨

粉絲為博李洪基睇中,喺台上真係咩都做得出。

攬女

最後李洪基揀咗呢位,仲攬咗佢成 5秒添!

李多海禁提整容

大話妹李多海,亦於週日( 29日)來港出席慈善晚宴,由落機開始,多海雖然一直笑容滿面,表現友善,但一直被傳執過靚樣的多海,為免影響心情,事前一早透過公關表明,拒答有關男友及整容等私事提問,好避忌。

李多海因為《大話妹》(左圖)而走紅,《 Hotel King》亦熱播中,上週六( 28日)來港獲近百名粉絲接機。



鍾意就快D Share啦!