[FACE 371] 着衫沖涼 濕住攬 周秀娜浴搏鄭伊健 鄭伊健,周秀娜,MF,

周秀娜在《分手 100次》有出浴鏡頭，但係披住浴巾似乎嘥咗啲喎！

真面目

著衫沖涼　濕住攬　周秀娜浴搏鄭伊健

周秀娜同陳偉成甩拖年半，遲遲未有著落，不過單身有單身好，起碼拍戲唔使咁多顧忌。娜姐在新片就拍住男神鄭伊健，仲著住浴袍同伊健一路沖涼一路 gathering，最後搞到娜姐見紅添，不過條浴巾太大條囉！

29歲周秀娜最近忙拍由鄭丹瑞執導的電影《分手 100次》，正正經經同大自己 17年的鄭伊健談情，不過阿旦又點會浪費娜姐身材？戲中安排了一場浴室戲，講娜姐同伊健嗌交冷戰，娜姐出走，伊健走去酒店箍煲時，發現娜姐沖緊涼淋花灑浴，伊健就走入浴室從後攬到實。

鄭伊健從後攬實濕身周秀娜，睇落好簡單，但導演鄭丹瑞要求攬得肉緊啲，試咗幾次至拍到完美效果。

42吋長腿淥到又紅又腫，伊健連忙叫工作人員為娜姐搽潤膚膏，好彩休息一陣就冇事。

為求達到浪漫效果，周秀娜要開盡熱水，結果淥到受傷。

42吋長腿燙傷

娜姐淥傷後，導演鄭丹瑞下令停廠休息，但娜姐堅持繼續拍攝，阿旦更親身示範攬身動作。

本來浴室 gathering都幾浪漫！但為了落地玻璃有水蒸氣效果，娜姐一直要開住強勁熱水，滾水淥腳，而導演又要試位又 NG嚇，拍完之後，周秀娜的 42吋長腿即變紅燒豬髀，又紅又腫，嚇到伊健四圍問人攞潤膚膏幫娜姐敷腳。

事後娜姐解釋為咗拍戲至死頂唔出聲，伊健聽到即取笑她說：「好多人話要講演員道德，但有啲人 over咗！」周秀娜塗上潤膚膏後冇乜大礙，伊健又講笑：「拍埋先啦，一次過、一鑊熟！」娜姐終於忍唔住反擊，指住伊健：「佢囉，行咁多次，累我 NG，我就要淥咁多次！」

伊健知衰拉住娜姐認錯：「係我唔啱，對唔住咁多位，係我錯，我走錯位。」呢個時候又到娜姐自嘲：「其實係我死蠢，諗住開到最熱，就會整到好多水蒸氣出嚟。」一向都話，識扮蠢嘅女人至可愛嘛！

鍾意就快D Share啦！

下一篇 》