[FACE 371 外地娛樂] 甩 AKB包袱 秋元才加玩 SM MF,

日面

甩 AKB包袱　秋元才加玩 SM

近年 AKB48主將輪住離隊，兩年前主將前田敦子率先畢業，上月又輪到一姐大島優子獨立發展。離開 AKB唔代表星途玩完，一樣可以有運行。

好似去年畢業的秋元才加，一離隊即升呢登上大銀幕，更在 7月 17日香港上畫的新懸疑片《奴隸區——我與 23個奴隸》中擔正做女一。片中秋元唔只玩血腥，更有超激 SM淩辱場面，難得卸下 AKB包袱，秋元才加梗係去到最盡。

《奴隸區——我與 23個奴隸》

上映日期： 7月 17日

由新晉網絡作家岡田仲一創作的小說《奴隸區——我與 23個奴隸》，曾於網上創下超過 1,660萬點閱人次紀錄，之後更出版成小說及漫畫。由於大受歡迎，電影公司即拍成電影版， 6月 28日先在日本全國公映， 7月 17日殺到嚟香港。

片名叫《奴隸區》，女主角秋元才加（上圖）與男主角本鄉奏多（下圖）亦要演出被矇眼兼綑綁的淩辱鏡頭，亦因拍得太迫真，秋元才加話拍完後，嚇到幾晚瞓唔著。

《奴隸區》由前 AKB隊員秋元才加搭實力男偶像本鄉奏多主演，雖然 2人首次合作，但秋元大讚本鄉好勤力，而且拍戲時好投入，可以由溫柔的男人突然變成惡魔，演技出色。

《奴隸區》先由網上小說爆紅，然後出版小說及漫畫，難得咁受歡迎，電影公司即拍真人版。

7月中來港

片中，秋元才加與本鄉奏多不只是生存遊戲拍檔，更做埋情侶，唔小得床上戲。秋元自爆：「以前仲係 AKB成員時，一定唔可以演出大膽鏡頭，但離隊後，演出可以更加放。」

以生存遊戲為題材的《奴隸區——我與 23個奴隸》，講述男主角本鄉奏多為參加《 SCM》遊戲，強迫秋元才加組成拍檔。《 SCM》其實是一個人與人之間互相對壘的生存遊戲，獲勝者做「主人」，輸家便做「奴隸」，遊戲過程中可清楚看出人性的醜惡。

秋元才加在片中上演被激烈綑綁淩辱戲，早前她自爆：「我本身好細膽，所以拍被蒙眼綑綁戲時嚇到想喊，拍完之後仲發咗幾晚惡夢。」為谷新戲，秋元才加更將於 7月 14日來港出席電影優先場，與香港影迷 gathering。

玻璃插面

參加生存遊戲嘅參賽者，贏家做「主人」，輸家要做「奴隸」，如果反抗的話，更會遭殺身之禍，好似呢位人兄慘被玻璃碎插滿全身，見到都打冷震。

口吐鮮血

呢個阿嬸，本身職業係夜場做 SM女王，參加遊戲亦想做「主人」，點知玩輸咗要淪為「奴隸」，仲被勞役到口吐鮮血，好恐怖喎。

曾經捱窮

AKB主將輪住走，上年秋元才加（左）畢業時，一姐大島優子（中）仲上台獻花。話咁快，優子剛於上月畢業離隊。

現在秋元升呢做女一，表面好風光，但上位前，同好多紅星一樣捱過窮。早前接受訪問便喊住呻：「細個嗰陣，老豆經常飲酒又冇工作，只得阿媽打工賺錢，因為冇飽飯食，晚晚只有豉油撈飯，屋企仲試過冇錢交電費而斷電。」聽落真係一殼眼淚！不過秋元𠵱家賺到錢，唔只有飽飯食，食幾豪都得

父女戀惹禍

現年 25歲的秋元才加， 4年前曾被踢爆帶住當年 56歲的著名創作人廣井王子返家過夜。事後 2人極力否認「父女戀」，但秋元最後因抵受不住輿論壓力，除向粉絲致歉外，最後更辭去 AKB48 K隊隊長職務以表謝罪。

5呎 5吋高的秋元，擁有 34C/24/34索爆身材，曾影過唔少露肉水著相。

4年前，秋元曾被影到同大自己 34歲的多媒體人廣井王子（小圖）前後腳返歸過夜，因違反 AKB「禁止拍拖規例」而激嬲老闆秋元康。

鍾意就快D Share啦！

下一篇 》