滋陰生人參面霜（左）同珍雪面霜（右）都係中女至啱用，兩盒面霜盛惠$4,200，咁爽手，店員送番盒價值超過$400嘅試用套裝氹蘇玉華。
同你吟一吟
蘇玉華$4,200搽面
代言牙刷，同期仲有孭正女主角嘅《載得有情人》出街，蘇玉華曝光新高。雖然年屆四十六，但蘇玉華保養功夫似乎做得唔錯，唔使為咗抗高清而大舉維修，冇戚眉戚眼冇膠面，難得。
自然保養，除咗平日生活飲食健康，少不免要使錢護膚。早個禮拜，《壹》仔喺銅鑼灣時代廣場見到紮起頭髮、黑超遮樣嘅蘇玉華，喺雪花秀專門店買買買，店員逐一詳解貨品用途效果，噏足半粒鐘。
呢隻韓國品牌係唔少圈中人之選，其中部分產品特別適合年紀有番咁上下嘅中女，蘇玉華是日買嘅滋陰生人參面霜（$1,500）、珍雪面霜（$2,700），正正係中女必選。入定貨，為皮膚轉季做好準備，幾千蚊，好濕碎！
|
鍾意就快D Share啦！
|
|
|