熱爆娛樂: [壹週刊 1278] 大台放棄　收入大減　苟芸慧再爆抑鬱自閉苟芸慧,M1,

2014年9月4日星期四

[壹週刊 1278] 大台放棄　收入大減　苟芸慧再爆抑鬱自閉苟芸慧,M1,

苟姑娘在微博（下圖）放了一張著住同一套衣服的自拍照，比起記者影到起碼瘦兩個碼。

探熱針

大台放棄　收入大減　苟芸慧再爆抑鬱自閉

去年尾中了「不瘦降」的苟芸慧，雖然一度努力減肥，但體重始終無法跌穿一百四十磅關口，學黎明金句話齋：肥過部電單車。無綫決定放棄，派苟姑娘做完巴西世界盃後，一直零工作，每個月只靠唔夠萬五蚊底薪過日子。失事業、失身材，雙失苟姑娘抑鬱情況更見嚴重，終日自閉家中，更停止所有減肥計劃。

改圖扮瘦

上週六（八月三十日），苟芸慧與陳展鵬到內地出席長春電影節活動，事後她將照片放上微博，獲網民激 like，讚她減肥有成績。但本週一晚（九月一日），著住同一套衫由北京飛返香港的她，真人同相片比較，有好大對比兼好大對髀，靠美圖秀秀呃 like，苟姑娘根本冇瘦過。

據知，被公司派到巴西做世界盃的苟姑娘無論做主持的表現，以致肥腫身形，都令公司相當失望，決定無限期停止安排工作，至於今次可以去長春電影節，純粹因為大會臨時邀請，加上需要有一個識流利普通話人傍實半桶水的陳展鵬，她才獲放生飛京做「翻譯」，仲要做義工，無任何酬勞。

側身睇苟姑娘手臂同大髀依然粗壯，下巴多肉，水桶腰保持不變。

去年九月是苟姑娘體重高峰期，體重達百五磅。

上週六，苟姑娘與陳展鵬一齊出席長春電影節，是她近期難得一次的工作。

靠積蓄過活

「苟姑娘近排真係好得閒， TVB又冇嘢俾佢做，出面啲客又嫌佢肥，唔搵佢，所以收入少咗好多，每個月靠萬幾蚊底薪生活，淨係交租都用晒成份糧好彩佢之前做落好多活動，叫做有啲積蓄，勉強仲捱到。」苟芸慧身邊人說。

面對收入大減，公司對自己投閒置散，加上減極唔瘦，多重壓力下，苟姑娘的情緒再度受影響，抑鬱情況比之前更嚴重。

「有一段時間苟姑娘好積極減肥，做好多運動，打 boxing、羽毛球，又跟伍詠薇、黃佩霞佢哋玩瑜伽同行山，但近呢兩個月佢乜都唔再做，淨係匿埋喺屋企唔願出街，同自我放棄冇分別。」知情者說。