周柏豪與時裝界女友 Stephanie拍拖六年，前年二人租住日出康城單位，展開同居生活。
探熱針
父母催婚 周柏豪收理六年女友
入行六年，周柏豪緋聞女友多不勝數，但原來一直秘密收埋拍拖六年、在 I.T任職 buyer的女友 Stephanie，感情更至同居階段。據知， Stephanie早已融入周家，更深得未來老爺奶奶歡心，快將三十歲的柏豪，甚至已被兩老催婚。
行奶奶政策
就快舉行首個紅館個唱，但周柏豪仍趁空檔時間，出動百萬平治 jeep，載女友返將軍澳老家探父母。
一落車，眼利的周柏豪即發現記者，並通知女友加快腳步，只見 Stephanie純熟地按密碼開門，明顯是周家常客。步入大廈等升降機期間，一左一右分開企的周柏豪和 Stephanie，不時回頭探視記者行蹤。
「柏豪爸爸媽媽好錫 Stephanie，當正人哋係新抱，兩老話個仔咁多緋聞，難得 Stephanie唔介意，咁多年都喺佢身邊，加上 Stephanie份人好識做，同柏豪搬咗出去住之後，一個星期起碼返將軍澳一、兩日食飯，有時仲落手落腳煮兩味，老人家梗係歡喜成日問個仔幾時娶人過門。」柏豪身邊人透露。
照顧弟婦
是家中經濟支柱，事業剛有起色的周柏豪並未有成家打算，即使與 Stephanie感情穩定，對父母的要求，只採取拖延政策。
上週五（八月二十九日），周柏豪車埋細佬同到土瓜灣七喜廚房陪父母晚飯，是夜女友未有現身。
食到凌晨十二點半，一家人才離開，揸新車出入的周柏豪，將 Audi「錢七」轉送父母代步。一行人到附近停車場攞車時，一家人在車前拍照留念講「車經」，擾攘近半粒鐘，才各自揸車返歸。
「柏豪好照顧屋企，就算係細佬女朋友，佢都幫手搭路安排未來弟婦簽 Starz People做 model。其實佢家庭觀念好重，同 Stephanie性格好似，就算要做隱形女友，睇住自己男朋友有咁多飛來蜢， Stephanie都冇怨言，好睇得開。」知情人說。
|
鍾意就快D Share啦！
|
|
|