為培養「父子情」，嘉穎鏡頭前後都會照顧台灣童星小小彬，過馬路更加拖到實。
同你吟一吟
鄭嘉穎氹細路有計
返無綫還完劇債嘅鄭嘉穎，最近又要為張堅庭執導新戲《貧窮富爸爸》開工。聽講成個劇本為嘉穎度身訂造，戲中佢飾演一個億萬富翁，因為太太劉心悠離世，令佢大受打擊，仲忽略咗囝囝小小彬溫玄燁。
之前拍無綫劇《拳王》，嘉穎都扮過單親爸爸，點樣同細路仔相處，絕對難唔到鄭視帝。早排電影喺銅鑼灣街頭拍外景，嘉穎嘅「助手」表妹王賢詠都在場，仲帶埋專業相機幫表哥影低工作花絮。
其間導演嗌休息，嘉穎就拖住「囝囝」小小彬行入利園商場，原來係去 COVA買蛋糕請小朋友食，之後兩父子手拖手行返上車，歎冷氣歎 cake。細路當女氹，鄭嘉穎果然有番兩道散手。
|
鍾意就快D Share啦！
|
|
|