同你吟一吟
陳慧珊教壞個女
上個禮拜五（十月二十四日）有讀者打去報館報料，話自己响中環 city’ super買麵包期間，因為手上托盤唔小心撞到陳慧珊囡囡個頭，對方雖然講咗兩次對唔住，但河東獅上身嘅陳慧珊，就大大聲鬧人「 idiot」，最終兩個大庭廣眾爆晒粗，至於 7歲囡囡鍾律然，當然乜都聽到晒！
其實陳慧珊同人爆粗之前，《壹》仔見到佢帶住囡囡同外傭响中環馬莎買衫，當佢哋一行三人行出門口期間，正正前面個女人突然失重心「拗柴」，成個人大字形趴咗喺地下，陳慧珊何止扮睇唔到，仲拖住囡囡行快兩步走人，最後由附近幾位好心人，合力扶起跌响地下個女人。
喺個女面前，先係見死不救，繼而爆粗同人鬧交，陳慧珊呢種另類身教，屋企有小朋友嘅家長，記住唔好學！
|
鍾意就快D Share啦！
|
|
|