邊行邊打 WhatsApp，戴住黑超嘅胡定欣，沿途行路唔帶眼，好在冇撞到人。
同你吟一吟
胡定欣高危低頭族
智能手機普及，食飯搭車行路去到邊睇到邊，機不離手「低頭族」最大盲點係行路唔帶眼。早幾日《壹》仔响中環撞到胡定欣，戴住黑超，能見度已經差一截，仲要著住三吋暗踭波鞋，一邊行一邊篤手機玩 WhatsApp，沿途冇行差踏錯撞到人，算好彩。
直至要過馬路，胡定欣知危險唔敢再篤，於是改同對方通電話，仲小心到用隻手遮實個口，驚死附近有人聽到。
胡定欣最終目的地係去停車場攞車走人。即係咁，如果真係有急事一定要篤電話，點解唔企定定呢？篤住行好危險㗎，就算唔驚撞到人，自己仆親都唔好尤其係閣下個鼻，咁高咁直，一定唔襟撞。
|
鍾意就快D Share啦！
|
|
|