探熱針
太趕 黃伊汶陳國坤峇里結婚未註冊
拍拖五年，求婚四次，陳國坤（小龍）終於得咗！上週六（ 25/10）， 33歲黃伊汶正式做陳太，新郎哥豪請 80親友到峇里見證婚禮，宣讀誓辭一刻，小龍比老婆更激動，聽到新娘說：「無論有景無景，都同你一齊！」忍唔住開心爆喊！
於水晶教堂行禮後，在 Ayana Resort舉行晚宴時又大放煙花，還有一對新人大跳懷舊牛仔舞餘興表演。兩公婆，一個忙手錶生意，一個長期留守內地拍劇，峇里婚禮後，仍要度期，補辦註冊手續。
老爺最佳人辦
在峇里舉行的婚禮無接新娘儀式，亦沒有牧師在場見證，不過，寓意婚姻美滿的傳統上頭儀式，黃伊汶仍然做到足。
上週六（十月二十五日）早上，一對新人在 Tirtha Uluwatu Chapel水晶教堂行禮，穿上 Monique Lhuillier低胸婚紗的 Emme，由媽咪挽住步入教堂，女兒步向人生另一階段，黃阿媽喊到收唔到聲；終於娶到老婆錫的小龍公開表白：「班兄弟姊妹最清楚，我望今日望咗好耐，咁多人當中，我係最開心一個！」當聽到新娘說：「無論順境逆境，有景無景，我都會同你一齊。」新郎即時公開落淚，爆喊！
行禮後，新郎新娘按傳統向長輩跪地斟茶，飲到新抱茶，小龍父母笑到見牙唔見眼。 Emme亦公開感謝老爺：「好多謝老爺從小教導小龍，應該點樣愛護家人，喺屋企一定要對老婆好，所以真係好多謝小龍爸爸，做咗好好嘅模範。」
另定吉日註冊
晚宴上，換上另一件白色晚裝的 Emme戴上小龍送她的五卡求婚鑽戒，還有媽咪所送的鑽石鏈和鑽石手鈪，簡約又隆重。
婚宴以懷舊為主題，十兄弟十姊妹穿上由新娘構思訂做的花呢花碌裝，還有秘密「舞器」，一對新人要與眾同樂，事前專登抽了兩日時間練牛仔舞，在晚宴中表演娛賓。以前做過排舞師的小龍，舞技不下於 Emme，更盡展夫妻默契。
本在內地趕拍劇集，要同劇組請假結婚的小龍，行完禮後休息幾天，便返回劇組報到。顧得頭顧唔到腳，連正式畫龜註冊，都要再度期，另定吉日！
|
鍾意就快D Share啦！
|
|
|