全城熱爆的娛樂八封新聞 & 時事趣聞 & 生活 + 趣聞
買完玩具再買雪糕，劉美娟有求必應。
九年前大仔天藍出世一日後夭折，身為父母嘅張崇德同劉美娟，多年來花錢花心機討回公道，雖然事件已經告一段落，但兩夫妻嘅傷口，一世！喪子之痛難以彌補，更加激發兩公婆對 7歲囝囝日希，以及 5歲孻女日晴，愛心全奉獻。
上個禮拜四（十月二十三日），一家四口加埋外傭出現又一城，張崇德有事先行離開，劉美娟帶住一對仔女繼續行玩具店。 買玩具，劉美娟疏爽，日希日晴一人一袋走。之後再帶兩兄妹去雪糕店，每人兩個雪糕球，自己揀味，唔使爭。
日希自己話事揀口味，之後同妹妹一人一杯唔使爭。
發現《壹》仔，兩個小朋友不時回頭望，好奇十足。
張崇德陪仔女行咗一陣玩具店，有事自己走先。
張崇德話齋，天藍事件已成過去，佢同太太係時候要放下，將更多心機同精神，好好愛錫同教育日希同日晴。事實，亦只可以咁！
