全知言
哈囉喂，嚇鬼呀！
萬聖節就到，呢個時候梗係要睇套恐怖片應下節嫌呢排冇正嘢？唔怕，經典可以重溫啫！
要數經典鬼片，一定唔少得《午夜凶鈴》、《閃靈》呢堆恐怖片王！全知言今期訪問幾位女星，嚴選邊套最靠嚇！估唔到未睇過鬼戲嘅萬寧妹妹，竟然話睇廣告都嚇親！究竟咩廣告咁巴閉，可以嚇親一個 6歲小妹妹呢？
糖妹 《閃靈》心寒
「最深刻嘅鬼片一定係《閃靈》！有一幕喺《功夫》入面都見過，火雲邪神一打開度門就全部都係血湧埋嚟！你睇我睇埋啲咁經典嘅鬼片就知我有深度另外睇完《貞子》之後，每日都要用棉胎包住個人先敢瞓，如果見到電視冇開就要即刻開番，唔係就會驚到做唔到功課！」
Jeana 支持港產
「我睇過最深刻嘅鬼片係《熱血青年》，有周麗淇，入面有隻鬼個 con係全白色，中間有粒黑點，你會睇到好心寒！細個睇鬼片會驚好耐，去廁所或者一個人喺屋企都會疑神疑鬼，但大個咗會 enjoy睇嗰個 moment。睇完鬼片會特登睇番溫情片或笑片舒緩番，如果唔係，我一個人住都會幾驚！」
方健儀 《凶兆》至驚
「我好驚睇鬼片，我唯一一段鬼片記憶就係《凶兆》，睇過一套，就足以令我以後都唔敢再睇。套戲情節其實我唔記得，但最深印象就係主角額頭嘅 666，我嗰陣時會諗，額頭有三個 6字就係魔鬼之子，係咁照鏡搵自己個頭有冇，仲會傻到諗係中國數目定阿拉伯數字添！」
萬寧妹妹 最怕龍婆
「呀！羅蘭姨姨呀！哈囉喂全日祭！跟住我好驚，係咪真係有鬼㗎？鬼呀鬼呀鬼呀鬼呀！」
知無不言 言無不盡 我係全知言
|
鍾意就快D Share啦！
|
|
|