上週五（十月三十一日），薛世恒現身陳法拉好友搞的萬聖節派對，被三女圍，其一是前港姐岑杏賢（圓圖）。
探熱針
朋友圈 吞併「前妻」地盤 薛世恒取替陳法拉
去年被一起六年的陳法拉狠飛後， Neway大少薛世恒開始變成娛圈熱衷分子，甚至全面佔據「前妻」的朋友圈，有局必到，成為鐵腳。上週，「前妻」老友黃長興搞萬聖節派對，席上薛世恒被港姐及辣妹包圍，極受歡迎！
走幾場
被陳法拉退貨，重新上市的薛世恒口味不變，圈中女星優先考慮外，更將「前妻」陳法拉的朋友據為己「友」，包括黃長興及陳敏之；今年陳敏之生日，還有到峇里舉行婚禮，薛世恒均是座上客。
上週五（十月三十一日）晚，黃長興的法國餐廳搞萬聖節派對，已經成為娛圈之友的薛世恒，寧願辛苦走幾場，都趕在派對結束前撲到場。
當晚，大家都各出奇謀，新婚的陳敏之扮清兵、還有一身未來戰士造型的袁偉豪及搞手黃長興，薛世恒冇扮鬼扮馬，反而更加方便「搵食」。
嫌佢悶
在餐廳門口泊低車，薛世恒已成功吸引在外傾偈的三名女子，包括前港姐岑杏賢將他團團圍住，大少亦立即展示藍籌魅力，招呼完三女再入場；臨近尾聲才趕到的他，之後還與袁偉豪孖住離開。
「自從同法拉分開咗，大少就由宅男變得好鍾意去玩，成日會 join埋陳敏之同黃長興佢哋四圍去，呢兩個原本係法拉嘅老友，但依家大少同佢哋仲 friend。黃長興好想大少快啲搵番個伴，早排幫手拉埋佢同 Bernice（廖碧兒），不過之後又冇下文，因為大少對 Bernice冇乜感覺。上個月喺陳敏之個婚宴，大少其實睇中咗一個姊妹，不過佢揀人人揀佢，人哋嫌佢悶，唔受。」知情者爆。
|
鍾意就快D Share啦！
|
|
|
