摸面
俞琤發完一輪牢騷，何超瓊伸手摸面呵噃！
探熱針
難得知己 何超瓊買鑽戒 俞琤埋單
五十二歲的何超瓊（ Pansy）與六十歲的俞琤，同性親密關係發展超過四年，其間雖然傳出第三者介入，依然無損二人感情。上週五（十月二十四日）， Pansy到珠寶店試首飾，揀定心水款式後，翌日再拖埋俞琤去埋單， Pansy更忍不住當街摸對方面珠，開心死！
專人服侍
感情穩定，但據了解，何超瓊與俞琤一直未被何鴻燊二太藍瓊纓認同，二人唯有低調，多年來只以「難得知己」形容彼此關係。
上週五，何超瓊與契女曾昭怡，約埋榮文蔚表妹鄭詩韻一齊到中環歷山大廈一間珠寶店揀首飾。 VIP到，全店侍候，並有專人招呼，店員不停拎出不同首飾讓 Pansy試，專攻鑽石戒指的她，逐隻試戴後照鏡細賞，又不時詢問身旁契女意見；之後再試埋耳環、手鏈等，大約一粒鐘， Pansy終於揀好幾件心頭好。據了解，當日 Pansy所試戴的款式，全部是限量版，價錢六位數。
當眾溫柔
翌日，一身便服的 Pansy，再孖住知己俞琤現身中環。二人先在置地撐枱腳歎下午茶，離開餐廳時，俞琤不停指手畫腳，表現勞氣，只見 Pansy突然伸手，輕摸俞琤面頰安撫，面對 Pansy當眾施展溫柔招，俞琤有點手足無措，即時叫停，「唔好摸！」，見對方唔多受落， Pansy無癮縮手。
二人之後步行去歷山大廈 Pansy之前一日到過的珠寶店，被安排坐在較隱蔽位， Pansy再次試戴不同款的首飾及手錶，並詢問俞琤意見， Pansy最終扑槌決定鑽戒款式，由俞琤埋單。
離開珠寶店時，二人卻刻意前後腳，但去到上車，俞琤又細心幫 Pansy開車門，有個被稱香港女首富的知己，俞琤無論平送六萬八「 BB豬（ G）」車牌，定豪送幾十萬鑽戒，一樣面不改容，十足風度。
|
鍾意就快D Share啦！
|
|
|
