掃呢頁CODE去手機

2014年11月6日 星期四

[壹週刊 - 1287] 發哥帶頭 修補中港矛盾 發哥,周潤發,M1,




同你吟一吟

發哥帶頭 修補中港矛盾

同胞來港自由行,刺激到經濟,同時亦製造咗唔少中港衝突;兩地不同文化,土豪同陀地,的確難以融合,不過咁,樹大有枯枝嘅道理,大家都明白,所以唔會吓吓落閘放狗,好似我哋嘅民間特首周潤發,更加以身作則,向同胞伸出友誼之手。







早個禮拜,《壹》仔喺又一城撞到發哥一支公走咗去 Log-on買指甲鋤,其間唔少人都攞住手機,上前搵佢集郵,輪到其中一個專登由深圳嚟香港 shopping嘅大媽時,手機竟然乾到一滴電都冇,見到發哥影唔到合照,大媽失望到呢……

叫得民間特首,原來唔係揸流攤。堂堂巨星,發哥好人到帶住三唔識七嘅大媽,走去另一層嘅電器鋪搵人幫忙充電,等佢可以同大媽影合照。萍水相逢都可以做到咁 nice,圈中其他阿哥阿姐真係冇個得。

發哥以身作則,帶頭示範如何打破中港矛盾,有辦大家睇。

大媽手機冇電影唔到合照,發哥做好人做到底,帶對方走去另一層嘅百老滙電器,搵店員幫忙急叉。

影完 check吓效果好唔好,發哥貼心周到,大媽開心到腰果眼!

做完親善大使,發哥同《壹》仔揮手拜拜,之後就 walk返屋企。



鍾意就快D Share啦!