全城熱爆的娛樂八封新聞 & 時事趣聞 & 生活 + 趣聞
萬聖節夜， Alex傍住扮成蝙蝠俠嘅蝦餃仔走去隔籬鄰舍拍門攞糖。
外國萬聖節傳統，細路仔會走去隔籬鄰舍拍門問人攞糖食，一家四口住加多利山獨立屋嘅 Kelly陳慧琳，萬聖節當晚（十月三十一日）兩個寶貝仔蝦餃仔同小龍包都有出動，哥哥扮蝙蝠俠，細佬就扮蜘蛛俠，由爸爸 Alex同外傭姐姐傍實，出動拍門攞糖，不過一見到《壹》仔， Alex就即刻走鬼，先護送蝦餃仔返入屋，再抱住小龍包走。
兩個小朋友悉心打扮， Alex亦有花心思，除咗喺屋企門口掛上骷髏骨頭，用棉花扮蜘蛛網，每當有細路拍門， Alex就戴住個白面白髮殭屍面具開門，嚇到班小街坊 V嘩鬼叫。
只有兩歲嘅小龍包，扮迷你版蜘蛛俠，再攞住個南瓜袋出動，發現《壹》仔後， Alex即刻抱小龍包跑返屋企。
當有小朋友拍門攞糖食， Alex就會扮殭屍開門，扮相都好得人驚。
