全城熱爆的娛樂八封新聞 & 時事趣聞 & 生活 + 趣聞
上個禮拜五（十月三十一日），鄧光榮遺孀 Janet嚴珍納生日，兩個孝順女鄧業炘、鄧業煒，專登請咗老豆生前一班圈中好友，出席媽咪嘅生日飯局，包括白雪仙、張學友、唐唐唐鶴德、陳寶珠、劉培基等等。
壽星食齋，飯局安排喺灣仔一間素食日本料理，撞正 Halloween，壽星特別整咗張自己戴住個爆炸頭假髮嘅 postcard，送俾現場來賓，有份嚟賀壽嘅欣宜，仲著咗件南瓜裝現身。 難得咁齊人，平日早睡早起嘅仙姐，都玩到十一點半，先由陳寶珠、陳善之擔任左右護法，照顧扶住離開。至於選擇性夜蒲嘅唐唐以及學友，就坐多陣再一齊黐陳淑芬車返歸。
難得見到咁多朋友，仙姐破例玩夜啲，之後由陳寶珠、陳善之護送離開。
生日撞正 Halloween，壽星戴住爆炸頭假髮，同朋友一齊影合照。
所有出席嘉賓，都收到壽星送出嘅爆炸頭 postcard。
肥姐係鄧光榮契妹，所以欣宜都係壽宴座上客，佢仲扮南瓜同寶珠姐以及汪曼玲合照。
學友同唐唐冇揸車，兩個黐陳淑芬車走。
