澳門站
上月兩場澳門棟篤笑，黃子華已隻字不提「佔中」。
（《蘋果日報》圖片）
探熱針
唔見一截 內地巡迴叫停 黃子華跌咗過千萬
內地有關方面陸續列出封殺撐佔中藝人名單，當中剛完成十一場棟篤笑的黃子華，有指因內容涉及佔中敏感題材，亦一度傳出要取消十二月在廣州舉行的跨年騷；但由於主辦的「廣視傳媒」有官方背景，三場演出最終獲開綠燈，但稍後的珠海、順德、汕頭、惠州等六個城市，即使一早已獲批文，亦要全部抽起。為此，黃子華損失過千萬計。
有批文都冇用
黃子華十月初在紅館舉行棟篤笑，撞正 9.28佔中運動，男神加料，每晚在紅館加插佔中材料，又以婆媳形容特區政府與中央，指媳婦「有得揸 Lift無得揸弗」，還開門見山說：「自己每一晚開騷，都會預計咗自己冇得做，因為每晚有啲事發生，每晚都可以件事大到無得做！」
態度鮮明，為港人發聲，黃子華紅館十一場棟篤笑結束後，便傳出年底舉行的廣州站取消，事後子華經理人澄清無被封殺，廣州站如期舉行。
「今次廣州係跨年騷，啲飛賣得好好，所以開到三場，主辦嘅『廣視傳媒』係廣東電視台旗下，屬於政府部門，加上已經賣緊飛，所以冇受影響，除咗廣州，仲有南寧、東莞同佛山幾個地方都係『廣視傳媒』做搞手，同樣無影響！」知情者說。
據了解，按原有計劃，二月十四日佛山站後，黃子華之後要到珠海、順德、汕頭、清遠、肇慶、惠州六個地方演出，三月二十八日至五月三十日期間開騷的批文已經批出，但一樣於事無補，突然被通知，該六個地方的演出全部叫停。
「其實返到內地做騷，子華從來唔掂敏感話題，今次呢六個地方冇得做，保守估計佢跌咗過千萬，但呢啲嘢都唔到大家控制。」
水瓜打狗唔見一截！黃子華馬上補飛，上月二十五、二十六日在澳門舉行兩場棟篤笑，有關「佔中」，隻字不提。
冒名斂財詐騙
樹大招風，除了被內地有關方面封殺，過去幾年一直有份主辦黃子華澳門棟篤笑的「力動」娛樂老闆 Tommy Wan，最近被踢爆借黃子華名義吸水，詐騙六百萬，為免聲譽再受拖累，原本與「力動」傾談中的海外演出，黃子華亦即時停晒。
「 Tommy自稱係澳門演唱會之父，話包晒子華啲騷嚟搞，係咁氹人攞錢投資，搞到俾人拉埋，出事之後子華嗰邊都唔敢再同佢合作。」知情者說。
滅聲斷水
雨傘革命除了引起國際回響，本地個別藝人亦勇於表態，隨之而來是內地封殺名單，滅聲打壓，先封鎖經濟，斷你財路。
黃秋生
被列入封殺名單，黃秋生主演的電影《大茶飯》雖可以在內地上映，但地方戲院卻在排片方面做手腳，加上內地網民發起「罷看」行動，上咗等如冇上。
|
鍾意就快D Share啦！
|
|
|