熱爆娛樂: [壹週刊 - 1289] 搶人老公 7年　前妻垂死控訴　楊愛瑾：我唔識佢！楊愛瑾,M1,

2014年11月20日星期四

[壹週刊 - 1289] 搶人老公 7年　前妻垂死控訴　楊愛瑾：我唔識佢！楊愛瑾,M1,

娛頭

搶人老公 7年　前妻垂死控訴　楊愛瑾：我唔識佢！

餅女楊愛瑾，○七年暗撻永安太子爺郭永淳，由死口唔認介入別人婚姻，到近期戀情浮面，計劃明年結婚。

Miki終於得米坐正！但多年來因失婚打擊，抑鬱厭食以致百病纏身的郭永淳前妻 Constance，今年再割膽割小腸，日前更因腸塞緊急入院，五呎四吋高的她，體重急跌到五十三磅。

飽受七年之痛，垂死打仗， Constance仍不斷更新微博，向 Miki控訴，更向友人透露：「絕不會原諒狐狸精楊愛瑾！」

剛由北京返港的 Miki，被問及婚事，得戚笑晒：「邊個講㗎？」但對於男友前妻病情嚴重，她竟然答：「我唔識佢！」

本來笑晒口的 Miki，記者一提男友前妻病重便黑面，更拋下一句：「我唔識佢！」

Miki上週六由北京返港，攞住三大喼行李，郭永淳卻未有接機。

快將坐正的 Miki，已搬入郭永淳跑馬地寓所同居。

得五十三磅

原本正值人生黃金時間，現年三十五歲的伍智恒 Constance，七年前因為餅女楊愛瑾介入婚姻，失婚大受打擊，抑鬱厭食以致賠上健康；過去十三個月，她一直留醫港安醫院，先後接受了五次大手術，一年住院費，已花去父親六百多萬積蓄。

「呢幾年 Constance身體愈嚟愈差，因為厭食令胃細胞壞死，要切咗個胃；舊年消化系統再出事，啲小腸黏埋晒，唔可以正常消化食物，雖然已經割咗膽同三分二小腸，但都冇好轉，食完嘢啲腸就會痛得好厲害，要打嗎啡止痛，又要吊營養液，體重得番五十三磅。」知情

者說。

本月六日， Constance因為腸塞嚴重，加上插住針輸營養液的手發炎，導致血蛋白質急降，要再緊急入院治療。

當日下午一時半，她由工人陪同坐的士到港安醫院，工人先到登記處辦理入院手續；只見著住厚褸牛仔褲的 Constance瘦到縮晒水，坐在輪椅上眼都睜唔大，不時流露痛苦病容。做好登記手續後，醫院職員便送她上病房。

郭永淳與前妻 Constance同讀哈佛大學，當年長得清純可愛的 Constance，更與 Miki有幾分

相像。

住了港安醫院一年，兩個月前出院的 Constance，日前再因腸塞緊急入院，眼都撐唔大的她，狀甚痛苦。

瘦到皮包骨， Constance仍會鋪相上微博，更試過直指 Miki係狐狸精，引爆網民大鬧小三。

Constance分別化名「 connielovesgod」及「 JoyfulConnie」在網上留言，攻擊「楊狐狸」。

七年情

07年，楊愛瑾（ Miki）被揭暗撻永安集團已婚太子郭永淳，長期近乎零收入的她，住半山豪宅，生活富貴；之後二人被拍到結伴夜蒲，但 Miki依然死口唔認，還堅稱：「唔知佢（郭永淳）係有婦之夫，大家只係朋友關係，以後會避忌點，盡量唔同呢班朋友食飯。」

09年初，郭永淳向前妻伍智恒提出離婚，被指是狐狸精的 Miki大喊寃枉。「自己道德觀念極重，絕不會介入人哋婚姻，破壞別人家庭幸福。」

與郭永淳七年情無斷過，近年更愈來愈高調， Miki曾揚言：「一定會結婚生仔。」認定郭永淳是結婚對象。

腳神經退化

記者發現，戴住眼鏡的 Constance右眼瘀晒，經了解，由於她的雙腳神經線退化，早前因頭暈企唔穩，在家跌倒，撞瘀右眼。

○七年，郭永淳在側田介紹下認識楊愛瑾，二人開始暗交，與前妻的感情亦急轉直下；到○九年，郭永淳更以分居兩年為由，成功申請離婚。

「 Constance十六歲就識 Edwin，佢根本接受唔到個老公變心，更加唔明白一個話過同自己一生一世嘅男人，會因為第二個女人離開佢。嗰時佢收埋自己，唔肯食嘢，以為虐待自己， Edwin就會返嚟睇佢，但個男人無理過佢，後來仲因為嚴重厭食症，令胃細胞壞死，消化系統嚴重失調；大家見到佢咁好傷心，但點勸佢都放唔低，就算而家，有時佢仲係會講：『如果 Edwin喺身邊，會無咁難捱。』」 Constance身邊人說。

病況嚴重的伍智恒，開始以上帝作倚靠，還有其父長年累月不離不棄照顧，成為她求生動力。

因雙腳神經線退化，上週六，伍智恒到中環做物理治療，瘦到紙板身形的 Constance買了外賣三文治，再會合父親，由司機接載返司徒拔道寓所。

本刊記者向伍父問及 Constance病情，及前女婿可有探過女兒？他一聽見郭永淳個名，即嬲爆急步走人。

○八年， Miki已經和郭永淳撻着，二人前後腳出席余錦基兒子婚禮。

Miki在一次夜蒲中，透過側田認識郭永淳。

靠老豆撐

永安集團太子爺郭永淳（ Edwin）家底豐厚，父親郭志權是永安家族第三代後人，母親李宛群則是養和醫院太子女。 09年，郭永淳與前妻伍智恒（ Constance）離婚，二人因贍養費對簿公堂，在 Constance再三上訴下，最終贍養費每月由 2.1萬加至 4.25萬，另額外獲 150萬元。離婚後， Constance患上嚴重抑鬱和厭食症，多年來的醫藥費天文數字，全靠父親炒樓賺來的積蓄撐住。

持續打嗎啡

伍智恒父親伍顯光，是呼吸系統內科醫生，近年為女兒治病，已花過千萬積蓄。

「 Constance爹哋為咗照顧個女，而家只係上午應診，下晝就睇住個女。其實過去呢年幾， Constance因為腸病根本唔係好食到嘢， uncle依然會買好多佢鍾意食嘅嘢，就算吞唔到，俾佢𡁻吓，等佢可以有啲胃口。」

兩個月前， Constance出院回家休養，不斷受腸痛折磨的她，過去十六個月均要靠打嗎啡針止痛。

「每日都係 uncle幫佢喺屋企打針，因為食唔到嘢，仲要吊營養液。」

得番半條人命！但年多來， Constance不停在微博披露病況，更新消瘦病容，垂死向小三隔空控訴。「佢一提 Miki，情緒就好激動！佢已經冇再怪 Edwin，但就講明唔會原諒狐狸精。」 Constance友人說。

得戚講婚期

正式離婚已經五年，郭永淳跟楊愛瑾亦不再避忌。四個月前， Miki更由原本租住的干德道蔚華閣，搬入男友的跑馬地寓所同居。

兩年前約滿 Starz People後，楊愛瑾轉簽悅目藝人旗下， hea住做，工作量並不多。

「同咗 Edwin之後， Miki俾 Constance公開大鬧過，當時 Starz People老闆都勸過佢，做第三者會有好多問題要面對，想佢專心事業；兩年前佢唔續約，同公司搞得唔係咁開心，某程度都係因為 Edwin。不過做多做少都冇所謂，早兩個月佢同朋友講，話出年約滿之後就同 Edwin結婚。」知情者說。

上週六（十一月十五日）， Miki由北京返港，有關明年結婚喜訊，她笑晒口說：「邊個講㗎？」

等足七年，終於有機會正式坐正，但當提及郭永淳前妻病情嚴重，她即時黑面：「我唔識佢！」問她有否慰問對方，楊愛瑾再強調：「我唔識佢！」之後匆匆上的士走人。