[壹週刊 - 1289] 馬國明褲貼激凸 王浩信正確示範 王浩信,馬國明,M1,

同你吟一吟

馬國明褲貼激凸　王浩信正確示範

上期《壹》仔影到馬國明凸腩踢足球，男神周身肉原本令人大失所望，之但係佢條貼得不能再貼嘅白色拉筋褲，就將馬明一直收收埋埋嘅「長」處表露無遺，仲引起 OL界熱烈討論。

馬明愛「招搖」，同樣愛著拉筋褲嘅王浩信，選擇隱藏實力。上個禮拜一（十日），王浩信行運動用品店，全黑運動 look打扮嘅佢都著住條黑色拉筋褲，不過佢就唔似馬明咁勇敢，外面仲著多條鬆身運動褲，正常得多。

王浩信一向有操肌，除外套試衫，打出粗過八珍小腿嘅壯臂。男人味可以分好多種，要手瓜起𦟌，抑或褲貼激凸，各取所需

大家都係著拉筋褲，但馬國明鍾意當面褲著，王浩信就用嚟打底，絕對唔會著住拉筋褲周圍走。

經常運動操肌，王浩信呢隻大手瓜，絕對係用時間同汗水換返嚟！

鍾意就快D Share啦！

下一篇 》