網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月20日 星期四

[壹週刊 - 1289] 人細鬼大 謝安琪囝囝扮韓國 Rain Rain,謝安琪,M1,




人仔細細就熱捧韓星的張瞻,日前拉埋爹哋張繼聰同媽咪謝安琪去捧韓國男子組合 NU'EST場,仲要霸頭位攞簽名。

探熱針

人細鬼大 謝安琪囝囝扮韓國 Rain

王祖藍遇到勁敵

謝安琪囝囝,只有七歲的張瞻,唔單只鍾意追韓星,亦熱愛扮韓星。為搏媽咪一笑,居然 chok樣扮 cool模仿大隻 Rain。

雖然冇逼爆衫騷六嚿腹肌,但張瞻演繹得萌版阿 Rain,同老豆張繼聰用胸肌猜枚,一樣咁有睇頭。

媽咪最開心

七歲的張瞻跟港女一樣中晒韓毒,早前為捧來港宣傳的韓國五人男子組合 NU'EST,搵埋媽咪阿 Kay同老豆震波聰陪佢追星。攞到頭籌上台索簽名仲未夠喉,翌日再由菲傭陪同撐 NU'EST,可見張瞻對韓星熱切程度。

遺傳父母演藝細胞,張瞻不單被媽咪爆佢識得自創 rap歌「食媽咪」:「 If you hungry, You can eat my mommy.」創作有天分,扮嘢一樣得,但張瞻的模仿對象,並非年輕組合 Super Junior或者 EXO,而係年過三張、沖涼裸照在網上瘋傳的韓國大隻 Rain。

七歲張瞻同 Rain一樣!擁有單眼皮電眼,加上識咬手指扮 cool, chok樣完全掌握 Rain叔叔攝人神髓,扮嘢功力,更勝 uncle王祖藍。

眼形似十足

扮到阿 Rain神髓外,張瞻同阿 Rain嘅眼形原來都似到十足十。

齊齊戴黑超,不過張瞻要嘟嘴先扮到 cool。

三七分面及放電咬手指甫,張瞻都扮得掂!真係要萌有萌,要 chok有 chok。

Kay一手促成

阿 Kay花唔少時間搵相,令囝囝同阿 Rain拼出一樣嘅表情,仲將佢呢份大作擺上網同 friend分享。究竟係張瞻鍾意扮阿 Rain,還是阿媽係阿 Rain粉絲!

第二日,張瞻再捧偶像場,仲上埋台同 NU'EST跳舞,名副其實熱血粉絲。

右臂加料慶功

見到囝囝咁鬼馬,媽咪阿 Kay忍唔住將囝囝變身 A貨 Rain的造型照,與正版的相片合併,並在朋友圈開心「呲牙」,引來唔少老友俾讚,估唔到人仔細細,表演慾跟五歲已經做童星的老豆,一樣咁強!

阿仔有星味,老豆張繼聰近日亦憑《老表,你好 hea》的震波「 Mario」成為無綫台慶的「飛躍獎」大熱。

當年因被列為陳志雲派別而一度坐冷板,經洗底之後終有機會上位,張繼聰決定再紋身慶功。五年前在右手臂紋上代表老婆的「 K」字,以及囝囝英文名「 James」,今次張繼聰再紋太陽花、雙天使、連紋身位置最痛的手踭都唔放過。

在《老表》一幕谷胸猜枚,令張繼聰爆出。近日他在紋了妻兒名字的右臂加圖,太陽花及天使紋滿手瓜,連手踭都唔放過。

七歲張瞻已經識扮嘢,睇嚟祖藍叔叔將來後繼有人。

經常一身潮著的張瞻,黐住媽咪擺 chok甫。

洪欣女萌爆燈

星 B幾時都係咁吸睛。

洪欣同張丹峰所生的愛女張晞彤,不經不覺九個月大,一雙圓碌碌波子眼,有晒媽咪同爹哋遺傳因子嘅精緻面孔,難怪洪欣頻頻將乖女萌照開心「呲牙」。

浴照

由晞彤女神示範戴住膠浴帽,仍可散發出浴美色。

放便定放電

九個月大的晞彤,學識坐廁便便,更一邊放電一邊「辦大事」!

床照

床照大公開,仲有恐龍公仔陪伴。

Cute爆

模仿韓國人用毛巾包頭,爆可愛。



鍾意就快D Share啦!