【為收視大台可以去到幾盡？】王維基搞到王祖藍當場求婚？ 李亞男泛淚應承
2014-11-19 21:48:00
今晚個個人，尤其係年輕一輩，都係講緊HKTV開台，雖然仲係問題多多，始終唔係大氣電波，網上播放唔夠穩定，今晚8點仲好多人上網同手機都開唔到，唯有去USTREAM分流睇，完全忘記咗大台---TVB今日都係台慶。
TVB為咗收視今晚會搞咩花臣去吸引觀眾呢？今晚台慶，你估都估唔到嘅係，王祖藍竟然喺今晚呢個場合，當眾向女友李亞男求婚，跪低同玫瑰花都準備好，仲準備埋戒指，以及家人，真係做戲做全套，而李亞男亦眼泛淚光，即場戴上求婚戒指應承。
究竟係TVB要求王祖藍咁做?定係王祖藍獻計救收視?戒指玫瑰家人都一應俱存，肯肯定唔係即興，將自己婚姻大事都放埋喺個「事業」上面，只能夠話王祖藍真係好有事業心，而TVB亦被王維基嘅HKTV迫得太緊，王祖藍要當眾求婚，有幾多係因為王維基呢?仲要時間放喺對家開台劇《選戰》嘅9點半時段，真係夾都冇咁橋。
事後兩人喺後台受訪，更兩度咀嘴合照兼合巹交杯，李亞男聲稱事前唔知道會王祖藍會求婚，覺得好驚喜，仲笑住話唔要有下次。王祖藍就話自己諗咗好多招數，不過兩星期前先決定台慶夜進行，記者笑佢騎劫台慶，佢就笑話:「借來使使囉!」咁婚禮肯唔肯俾TVB直播?佢話:「未想呀!」仲話亞男唔係大肚。
玩到求婚...(電視圖片)
李亞男泛淚(電視圖片)
戴戒指(電視圖片)
仲有雙方家人(電視圖片)
|
鍾意就快D Share啦！
|
|
|