美棋 BB上週六（ 1日）出席有線電視宣傳活動時，否認有私下接 job，累前經理人被迫辭職。
真面目
冇朋友 高拜低踩 黃美棋犯罪憎
萬眾期待嘅 HKTV 11.19啟播，好多宅男 buy一向好勁嘅美棋 BB當然興奮不過有內部人員爆料，指黃美棋並非 BB咁 pure咁 true，更懷疑曾經私底下接 job收錢，卻將責任推到經理人身上，令對方被迫辭職。
美棋 BB人際關係亦麻麻，對前輩、高層就恭恭敬敬，對住同輩則扮大家姐，被迫辭職的前經理 Chili數臭她：「呢個世界『人善天不欺』，會有後果㗎！」
去年 HKTV不獲政府發免費電視牌照，但美棋人氣極高，工作不斷，是公司最搵到錢的藝人；雖然如此，她仍感前路茫茫，為儲多個錢，於是向公司投訴經理人 Chili接 job不力，繼而竟私底下接 job企圖隱瞞公司。
私下接 job
起初一些小型的 event仍瞞得住，但據知去年 11月一間大型機構想邀請 Chili另一藝人黃芷晴出席時，經理人提出不如請埋美棋 BB，該公司竟然說：「我哋搵咗美棋喇，佢 confirm咗。」才揭發美棋私下接 job。
事後經理人向公司匯報，公司高層致電美棋質問，可是美棋回答：「 Chili接㗎，你問佢」隨即收線。高層雖知道事件是由 Chili揭發，但一來懷疑她和美棋扯貓尾別有內情，二來美棋始終幫到公司搵錢，遂決定改動 Chili的合約，大減四成人工， Chili惟有含寃離職，至於該次工作的酬勞誰人落袋就不得而知。
私下接 job外，美棋在電視台亦甚少朋友，被指不理睬同輩，卻不停擦高層及前輩鞋，連跟她多次合作的姜麗文都嘆了口氣說：「好耐冇見！」其餘則稱不方便回應。
前經理人 Chili上週四（ 30日）在電話中回應：「過咗咁耐唔想再提番，邊個好邊個唔好我知道囉！我相信呢個世界『人善天不欺』，會有後果㗎！」又說：「發生呢件事之後，其他幕後人都睇到呢件事，知道呢個小妹妹嘅真面目總之同佢合作嘅時候我問心無愧囉！」
美棋 BB上週六（ 1日）出席活動時，問到有冇私下接 Job她就謂：「冇，從來都冇！」她解釋 2人關係：「 ok嘅！因為佢都係後生女，有時做完嘢一齊食嘢，我對佢算係咁㗎喇！佢都係一個幫我嘅人，唔會咁對佢嘅！」
HKTV開台 李心潔唔到
HKTV將於 19日開台，公投開台劇暫時票數領先的《選戰》上週舉行煞科宴，李心潔在老公出軌後首次在公開場合開腔：「放低喇！過去咗都要向前行。」
《選戰》極可能成為開台劇，而《選戰》因剛剛煞科，要趕後期，可能要一路播一路剪，但港視保證唔會影響質素。至於開台當日，據知 HKTV會邀請曾拍港視劇的藝員撐場，但由於李心潔因有事要回馬來西亞，故應該未能出席，發言人 Jessie表示：「會有個播片會記招，暫時未定有乜人會出席，但係就唔會請外援表演」
|
鍾意就快D Share啦！
|
|
|