[FACE - 389] 白色恐佈 余詠珊趕絕聯署信藝人 蔡康年縮沙 李綺雯抗命 李綺雯,MF,

余詠珊以為幫大台維穩，點知搞到一鑊泡，大台翌日發聲明，表示係余詠珊個人意見，即係大台都唔撐你啦。

真面目

白色恐佈　余詠珊趕絕聯署信藝人　蔡康年縮沙　李綺雯抗命

一台獨大除咗令節目質素下降外，連員工發聲空間都愈來愈少。上月 25日無綫記者採訪藍絲帶活動時遇襲，之後有員工自發喺 fb開設「 Tvb員工自發譴責對記者施以暴力」群組，力撐前綫新聞工作者。

成個 group冇講過公司不是，點知余詠珊維穩心切，以為員工聯手反大台，有傳佢下令旗下監製向有份聯署的員工「照肺」，以扣減年度花紅作懲罰，又要求即時刪除簽名否則炒魷。其中有份聯署的幕前藝人只得兩個，蔡康年已急急除名，不過𡃁妹李綺雯冇有怕，堅持簽名唔除名：「我覺得自己做嘅嘢係啱！冇搣名呢個需要！」𡃁妹大個女

綜藝科總監余詠珊見到旗下編審譚小龍發起「 Tvb員工自發譴責對記者施以暴力」群組，即時發功要求各員工除名，又在 fb稱不容許員工對公司指指點點。這次聯署簽名者多為幕後員工，幕前藝員暫時只得蔡康年及李綺雯有簽名。據知余詠珊大發雌威已經有好多人縮沙，其中一向對佔中十分支持嘅蔡康年更急急除名。週日（ 2日）本刊致電蔡康年，他說：「我係有簽過！（但點解除名？怕冇花紅同解僱？）其他嘢我冇補充喇。」明顯受到壓力下被迫縮沙。

上月 25日晚無綫新聞記者及攝影師採訪藍絲帶活動期間遇襲，綜藝科編審譚小龍即喺 facebook開群組，力撐前綫新聞工作者。

一眾小生花旦唔敢簽，惟獨李綺雯夠膽，但 facebook就寫錯佢個「綺」字。

未發生余詠珊唔 like傳聞前，蔡康年個名喺聯處第二行，相當顯眼。

回應聯署全文

余詠珊仲喺譚小龍 facebook留言，過百字留言除咗話對方「魯莽及無知」，更稱對方「做任勝（性）行為，不要拖其他同事落水。」

𡃁妹：「冇搣名需要」

42歲蔡康年仔細老婆嫩，縮沙可以理解。不過靚妹李綺雯就冇有怕，只是在聯署名字中，原本的綺字卻寫成「婍」字，本刊週日致電求證，她先以 WhatsApp回覆「 yes！ that is me！」又說簽名「 Y not？」及後在電話回應：「當時喺大陸拍嘢，喺 Wechat見到個 post，我就叫朋友幫我簽埋。（驚唔驚冇花紅甚至炒魷魚？）我冇親耳聽過余詠珊講呢啲說話。我覺得冇搣名呢個需要囉。我覺得自己做嘅嘢係啱。呢份聲明係支持前綫嘅記者。支持公司同事有咩問題呢？」如果大台啲姐仔小生，有你咁夠膽就好喇！

李綺雯簽名敢認之餘，亦話唔會搣名，仲話唔驚秋後算賬。

除咗撐自己同事，李綺雯仲實地去佔旺現場，貼相上 fb話佔中只有少影響，商鋪冇傳聞中所講冇生意。

網上圖片

李綺雯喺 facebook除咗撐佔中，仲閙埋 689，真係冇咩小花夠膽㗎。

蔡康年除咗係《創富坊》主持，亦做唔少綜藝科活動，又難怪佢要縮沙。

雖然受壓力下除名，不過蔡康年經常身體力行撐佔中。

網上圖片

撐得佔中，一定唔 like梁振英，蔡康年亦唔例外。

余詠珊驚自己啲藝人反公司而大發雷霆，反而珍姐（右）就冇阻止人簽名，旗下唔少 PA及編審都有留名續撐。

余詠珊講嘢你要聽

余詠珊喺大台掌管成個綜藝科，位高權重，講嘢當然大口氣啲。最近仲不時口出狂言，句句都啄住王維基，講到炒人就話係正常更新喎！

講炒人

根本呢個行業係需要年輕人，我成日同 Mark（李寶安）講一間公司最理想嘅狀態就係每年 cut 5%人，然後請番 5%新人，喺我心目中，唔係裁員，而係更新。

講維基

王維基只不過係 dreamer

講爆料

我對作為這等同事的上司，我感到十分慚愧。

鍾意就快D Share啦！

下一篇 》