網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月5日 星期三

[FACE - 389] 脫出去 裸跑老尷 王宗堯:搵對大襪套住 王宗堯,BKD_S,MF,




剝到一半,王宗堯見到周圍嘅人全部都望實自己,惟有焗笑囉!唔係點啫!隻襪(箭嘴)仲吊吊 fing㗎,未穿上嘅!

真面目

脫出去 裸跑老尷 王宗堯:搵對大襪套住

高登小說《壹獄壹世界:高登闊少踎監日記》紅遍網絡,蕭定一睇準時機開拍電影版,男主角更由王宗堯擔任,套戲仲用佢「裸跑」做話題夠晒激!

雖然王宗堯扮晒輕鬆淡定,不過全程都只係靠一隻褲遮住「小宗堯」,兼打出個 pat pat。豁出去的王宗堯話:「只係搵對大襪套住!我對黐膠紙有抗拒!」原來「小鳥」好易敏感呀!







王宗堯拍過唔少情慾戲,其中喺《喜愛夜蒲》同前度 DaDa有激情肉搏床戲。

DaDa(陳靜)前男友王宗堯,原先做模特兒而入行,到台灣發展再回流香港,拍過唔少情慾戲,而為人熟悉嘅作品就係《喜愛夜蒲》,同前度 DaDa有激情肉搏床戲,不過點都唔夠今次「裸跑」去到咁盡。

劇本合理就做

拍過夜蒲戲,演花花王子演到入形入格,拍情慾戲又拍到熟晒手嘅 36歲王宗堯,唔係因為今次裸跑,或者掛住 DaDa前度個名,未必有人留意佢!其實家境不錯的他,他說父親做生意都夠支持佢哋三兄弟去美國讀書,今次裸到咁盡只因家人支持,他說:「 6、 7年前返香港發展嗰陣,工作唔多又搵得少,成日匿喺屋企,屋企人見到我咁就叫我轉行,不過就算轉行都會揀番做幕後,好彩𠵱家守得雲開見月明!而今次裸跑我都冇同屋企人講過,自己想試唔同嘅嘢,覺得劇本合理就去做,家人都會支持我!」

第一次喺條街「裸跑」都咪話唔驚,所以王宗堯事前喺車廂預演剝光豬,仲唔介意同劇組人員開心「些牙」添!

經過一輪防護,王宗堯嘅「小宗堯」成功套上大襪,之後仲好自豪除埋條面褲,堅係 18禁!

「露到嘅嘢都會剪嘅!」

上週五( 31日),王宗堯拍住為部戲要增肥變 200磅肥佬的張建聲到西環開工,王宗堯裸跑一幕仲成為焦點。未埋位,王宗堯表現出一副從容樣,周圍走動,又開心「些牙」事前嘅裝身準備,仲在車廂預演剝光豬嘅效果。

他說:「唔擔心會露到啲咩,因為露到嘅嘢,公司都會剪嘅!(防禦措施?)我搵咗對大襪套住重要部位,其他位就光禿禿,劇組都有提議黐膠紙,不過我對呢方面有抗拒,所以自己都冇咁做。」 p,據律師黃國桐表示,當街裸跑其實已經犯咗「公眾場所裸露罪」,最少可以罰坐 12個月,到時真係闊少踎監就大吉利是

整理襪套

把口話就話唔緊張,不過王宗堯拍裸跑戲份前,自己匿埋一角再三檢查,都係安全啲好!

跑足十次

講到明裸跑,王宗堯絕無欺場,只套住隻大襪,用短褲遮住小鳥來回跑足十次,成個 pat pat任你睇。

肥佬死追

另一男主角張建聲為咗部戲都一樣好大犧牲,成功增肥變 200磅大肥佬,仲要跑上跑落,睇見都覺辛苦!

俾韓妹影

當日場戲講到王宗堯喺條街裸跑期間撞見一位索女韓妹,仲要被人用電話狂影,不過裸跑王宗堯就唔敢抄靚女牌囉!

王宗堯裸跑都有回報㗎!隔日開工,王宗堯就同「崔 Big瓜」玩車震,乜都抵番《蘋果日報》圖片

監獄執番梘

新戲《壹獄壹世界:高登闊少踎監日記》由孫立基執導,故事改編自網絡作家小姓奴《壹獄壹世界》,劇情講述飾演二世祖的王宗堯醉駕傷人入獄一年嘅故事。由於主要喺監獄取景,老闆蕭定一就一共搭建幾個監獄場景,當中以蠔涌片廠場景設施最齊全同細緻,單係租場連搭景就已經使咗 200萬,加上仲有幻想嘅性愛場面及監倉執番梘大膽鏡頭,乜都齊囉!

《壹》片除咗由王宗堯同張建聲擔正,同戲仲有擅長演惡人、監躉及奸角嘅何家駒同黃光亮。《蘋果日報》圖片

《壹》片主要場景會喺監獄拍攝,老闆蕭定一仲搭建咗幾個實景監獄。

睇見旗下藝人一個裸跑,一個就增肥到 200磅,老闆蕭定一都好體貼,當日一早就去到現場為佢哋打氣,有老闆支持,拍都拍得順啲!



鍾意就快D Share啦!