[忽然1周 - 1018] 識搵位 吳若希自製話題 吳若希,MW,

吳若希話自己係吃貨，不嬲好食得，就算同枱食飽晒，佢仲可以繼續食到尾，仲話唔開心嗰陣，有得食就會開心番。睇唔出佢咁大食喎！

媽咪姐

識搵位　吳若希自製話題

媽咪姐以前班姐仔 friend，向來好驚有負面新聞，之但係新一代嘅星，反而驚冇話題囉！睇吓 22歲吳若希俾人話鍾情 57歲叔叔、有股壇狙擊手之稱嘅王弼燮，佢唔只心情冇影響，仲主動擺嘢上網撩交嗌。呢啲咪醒囉，用兩分鐘放張相寫句嘢，咁又見報喇！

好似前幾日佢話自己俾狗仔跟，嚇到要返屋企食麵定驚喎！佢三更半夜食呢碗麵就特別囉，有兩隻大鮑魚。搞到班網友好羨慕，但係呢，夜媽媽放鮑魚相，就令人有唔少遐想喇！

愈老愈愛嘅吳若希，之前話同前度分手搞到患上抑鬱，仲試過吞安眠藥自殺。依家有指佢又戀上大自己 35年嘅王弼燮，真係無懼世事變改，還是越難越愛！

呢碗貨真價實嘅鮑魚麵，吳若希話要嚟定驚。食到咁豪，日日俾人嚇都抵

啲網友嘅回應都幾得意，圍住隻鮑魚嚟講，又係嘅，呢個話題的確有無限嘅聯想囉！

鍾意就快D Share啦！

下一篇 》