全城熱爆的娛樂八封新聞 & 時事趣聞 & 生活 + 趣聞
踎低似赤裸着住 deep V嘅珍妮花踎低，遷就梅姨（左）同大口茱（右），但咁啱頭髮遮住肩帶，望落好似赤裸咁，自自然然成為相中最吸睛嗰個。
監製公會同演員公會（ SAG）兩大頒獎禮，上周末圓滿結束。賽果正路，反而場外、慶功花絮仲好睇。今年喺 SAG憑《 Cake》首次角逐影后嘅珍妮花安妮絲頓，雖然係陪跑一族，但都交足功課，周圍走撩偈傾。佢好醒目黐實梅姨同大口茱兩位影后級阿姐，仲不惜踎低身遷就，咁啱佢當日着住件大 deep V，驟眼睇，好似冇着咁款呀！不過媽咪姐向來淡定有錢剩，呢啲錯覺，嚇我唔到嘅。
醒目掩胸珍妮花自知性感，傾得 high high哋都不忘掩實 deep V，以防走光。
錫面交足戲同梅姨錫面啫，點解都要扁嘴皺眉。搶鏡之后，非珍妮花莫屬。
SAG頒獎禮當晚，珍妮花揀咗條 vintage嘅 John Galliano裙。 Sexy歸 sexy，胸部卻輕微八字。
