我主場：袁嘉敏獻畀王晶驗胸
八十年代有《男與女》鍾楚紅和《唐朝豪放女》夏文汐；九十年代有《卿本佳人》葉玉卿和《玉蒲團之玉女心經》舒淇；千禧年有《桃色》章小蕙和《3D肉蒲團之極樂寶鑑》雷凱欣；二零一五年袁嘉敏拍《鴨王》三點畢露大銀幕，只需考慮四日，便自動獻身到王晶辦公室除衫驗胸，經過專業審查後，順利過關的她成為《鴨王》第一女主角，並列新一代脫星。
撰文：楊潔雯
■袁嘉敏日前接受專訪，大談當日被王晶驗胸過程。攝影：林德雄
服裝：ionicstyle
場地：火鍋本色HotPot Instinct
當袁嘉敏聽到王晶大讚自己好性感，她頃刻怦然心動，於是把心一橫，走上王晶辦公室，脫掉上衣、只穿內褲的她讓王晶「驗胸」，胸脯大小、形狀、膚色、骨架和四肢體態經過專業審查後，袁嘉敏順利過關，日前她接受專訪，毫不介意的分享驗胸經過，她說：「一年前王晶同我講有一個概念想拍一套關於舞男電影，佢話我好性感，而我嗰啲性感係同其他人唔同。幾個月後，佢就寫咗個大綱攞嚟畀我睇，我好意外佢叫我做主角，佢話對我好有信心，覺得我應該行呢個路線，同埋呢個角色係適合我做。我自己都考慮咗幾日，佢對我咁有信心，我都應該對自己有啲信心。」
■王晶大讚一句「好性感」，成功令袁嘉敏一脫求變。資料圖片
唔想拍劇行行企企
袁嘉敏是二○○九年香港小姐「最上鏡小姐」，從那時開始她知道自己是屬於肢體演技派的女演員，她說：「嗰時港姐去北海道拍外景，第一次着泳衣見傳媒，佢哋喺見到我即嘩嘩聲，報道寫我係嗰屆身材最好，我自己覺得係，大家反應好奇特，對其他女仔又冇，可能自己天生曲線比較多啲。」
自詡天生麗質，可惜被無綫嫌棄身材太好，袁嘉敏說：「你見我成日喺電視成日都會寒背，因為佢哋唔係好鍾意我咁多曲線，主持人平平淡淡就得。做演員我想做啲大膽同挑戰性角色，唔想做《愛．回家》講來講去都係去邊度食飯，我唔鍾意朝九晚五做一個角色，喺辦公室打字呀！行來行去，我唔想囉！」
說時容易做時難，拍三級片並不是袁嘉敏想像般浪漫，回想在射燈下於十數名彪形大漢面前一絲不掛，被男主角何浩文上下其手，又被一個不知名的武師胸襲，兩場情慾戲變六場，終於壓力爆煲，心跳手震，她說：「所以我一拍完第二日就飛返澳洲，我行落街買張機票就搭機鐵去到機場返咗澳洲大半個月。我覺得永遠唔會克服到，係人之常情，上機前傳短訊畀班朋友，日日喺唔同朋友屋企住，佢哋知我發生咩事，咪搵人傾心事，澳洲天氣太好，啲嘢又好食，同埋個個見到我太開心，晚晚開兩支紅酒，日日見唔同人，去番田園生活，摘車厘子。」身心俱疲，只好遠離煩囂，淨化自己。
■拍完《鴨王》，袁嘉敏即遊走澳洲調節心情。
劇照
自喻畫家性格不羈
一脫求變的袁嘉敏前途未卜，不過她對自己的下半生和未來的另一半持樂觀和開放的態度，她說：「我有諗嘅，我相信呢個世界咁大，應該有啲人會寬容啲，我唔係一定要搵個有錢，我之前嗰啲都冇嘅，我都六、七年冇拍拖。」香港大學文學士畢業的袁嘉敏，又有另一番偉論，她說：「畫家去畫一幅畫，都唔會去問人先批准可唔可以咁畫；我哋去演一個角色，都唔會去問卷調查，問可唔可以做呢個角色，我哋本身有創意天份嘅人係比較不羈。」
■袁嘉敏自覺因身材太浮凸，所以遭無綫嫌棄。
資料圖片
|
鍾意就快D Share啦！
|
|
|