坐低飲咖啡， hea咗個幾鐘先捨得走。
同你吟一吟
麥潔文湊「劉華」
女人最幸福，唔係嫁到個有錢人，而係可以享到老公福，之不過，同做人求晚年身體好，死得舒服一樣，難！
老公江華因為軟骨壓住神經，坐又痛企又痛，醫咗成年都唔好，結果積積埋埋情緒病變抑鬱；過去幾年已經冇再拍劇，生活重擔，就靠老婆麥潔文教唱歌照起晒，為咗慳，一家人仲搬咗去好近邊境嘅沙頭角七百呎村屋。
早個禮拜日，兩公婆返完教會，走咗去圓方巡商場，行圈 window shopping，再坐低三點三飲咖啡。比劉華更姿整嘅江華，軟布帽黑超吊腳褲扮後生，就算對住自己老婆，一樣係咁劉華；至於麥潔文，老公最當打時期，佢要照顧一對仔女，仲要撲出嚟幫老公拆緋聞，如今仔大女大，一樣要捱頂住頭家，由始至終，冇享過夫福。
江華唔係劉華，麥潔文更加唔係朱麗倩，不過，佢絕對係個好老婆。
|
鍾意就快D Share啦！
|
|
|