熱爆娛樂: [FACE - 401] 真人示範　老公安仔教彈結他　 Rock婆 Sammi撻着 Sam哥 Sammi,許志安,安仔,許冠傑,Sam,鄭秀文,MF,

2015年1月28日星期三

[FACE - 401] 真人示範　老公安仔教彈結他　 Rock婆 Sammi撻着 Sam哥 Sammi,許志安,安仔,許冠傑,Sam,鄭秀文,MF,

機師幾時可以紋身又要識彈結他？其實 Sammi在《衝上雲霄》電影版正職係搖滾天后，着機師衫都係拍廣告搵真銀啫！

真面目

真人示範　老公安仔教彈結他　 Rock婆 Sammi撻着 Sam哥

靚人靚景再加埋原汁原味首「天氣不似預期」添，正！好快到年初一（下月 19日），有得睇頂級豪華團嘅《衝上雲霄》電影版！

當初電影開鏡，好多人被套機師制服呃咗，以為 Sammi係女機師！實情係戲中戲，搖滾天后 Sammi因為拍航空公司廣告，巧遇兼撻着 Sam哥就真！咪以為做天后就係扮番自己易過借火，為咗入形入格扮 wild又要扮結他高手，許太事先求教過老公安仔㗎！你話嫁咗又住埋幾咁方便呢？

其他影片：>>《衝上雲宵》 Sammi配 Sam哥　彈結他就靠老公安哥

有 Sam哥又有 Cool魔，已經搞到好多人想撲入戲院，電影版《衝上雲霄》仲有埋古天樂、鄭秀文施展制服誘惑，話咁易成為賀歲檔最有入場意慾第一位港產片！話說開鏡初期好多人以為 Sammi係新加盟女機師，最新劇照同製作花絮揭開謎底，原來佢係「叫我梁小姐」個 friend，難搞又大支嘢搖滾天后至真！

Sammi唱得又型得，不過入行 27年玩樂器真係無幾何，據悉識彈琴又識結他嘅安仔都有過幾招俾老婆。

表面上係難搞巨星，當 Sam哥發現 Sammi原來有飛行恐懼症後，由香港追到去倫敦，呢啲咪 romantic囉！

同 Sam哥浪漫一夜後即失蹤， Sam哥最終識得飛去倫敦搵拍緊 MV嘅 Sammi，原來係醒目識得 follow天后 fan page！

周身紋身

寸寸貢又狂野， Sammi飾演嘅搖滾天后 TM第一次坐 Sam哥機就累到成機人 delay，第一印象低到負分，不過機緣巧合 Sam哥被航空公司安排拍電視廣告，再遇合作對象 Sammi一撻即着， Sam哥仲追女追到去倫敦添！

為咗扮 Rock婆， Sammi今次喺戲中又要學結他又要畫到周身紋身：「我喺呢套戲周身都係紋身，有英文字又有大型圖案，其實好多 Rock and Roll歌手都有紋身，啲紋身幫到我更加入戲。同埋啲紋身唔係亂咁紋，同劇情有關、可以帶出 TM（角色名）往事，情節都幾感動！」咁叫感動？小道消息，入行 27年， Sammi第一次喺鏡頭前彈結他，原來有向新婚一年老公許志安求教，咁至係又恩愛又感動！