地對胸大戰詩雅爆冷呀！ [忽然1周 - 1026] BKD_S,MW,

英皇一姐着上名牌 Lanvin晚裝上陣，一個字，型！但論「 iPad程度」，詩雅呢個側身，贏晒！而阿 Sa條腰瘦到有凹紋，亦係一絕。

媽咪姐

地對胸大戰詩雅爆冷呀！

晒胸呢家嘢，係各位靚女藝人出席重要場合嘅指定動作！所以媽咪姐早幾日去英皇十五周年晚宴，見到一姐容祖兒着住件 deep到落肚臍咁滯嘅晚裝都唔太驚訝。正如佢所講，「都要攞部 iPad晒吓！」

其他影片：>>衛詩雅越級戰祖兒

只係估唔到「 iPad」唔止一部咁少，原來英皇小花衞詩雅都偷偷哋收埋一部㗎！呢日佢就罕有咁 deep V上陣，但正面睇，都只係隱約見到條事業線；側面睇，直情係擺咗部 mini iPad上身㖭！

諗諗吓，祖兒、阿 Sa同詩雅呢幾位 iPad女神呢期都事業愛情兩得意。骨感美呢家嘢，有 market喎！

詩雅全程好驚走光，擺 pose都小心翼翼。咁件衫又確係鬆啲嘅！

除咗事業線，全晚最吸睛嘅當然係傻女鍾舒漫同吳浩康欲斷難斷。記得睇片呀！

鍾意就快D Share啦！

下一篇 》