網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月27日 星期五

老婆做空中飛人 任賢齊變身湊仔公 [忽然1周 - 1026] 任賢齊,MW,



3月 15日赤腳慈父

上周日( 15日),任賢齊做司機載一對子女到赤柱聖士提反灣遊玩,其間三人赤腳走到碼頭邊睇人釣魚。

娛樂喧

老婆做空中飛人 任賢齊變身湊仔公

留港發展超過十年的任賢齊,原來數年前已拿了三粒星做香港人,近年更升呢做「大岳娛樂」老闆,在港落地生根。小齊一對仔女自小接受本地教育,不過老婆 Tina娘家在台灣,所以她不時要兩地奔走做「空中飛人」。

日前, Tina又飛回台灣工作,任賢齊亦推掉手上工作做湊仔公。上周日( 15日)他帶住一對子女到赤柱享家庭樂,見他一時餵 7歲仔 Cody飲水,又與 9歲女 Rati打羽毛球,廿四孝慈父表露無遺。







48歲任賢齊曾自爆多年前因要長駐香港拍戲,租住酒店長達三年,當年他更獨具慧眼投資地皮,為移居香港鋪路。據資料顯示,任賢齊曾於 1996年賣掉何文田一幅地皮套現近 6千萬,現時持有 2010年買入的三個港島南區商業大廈單位,市值 3千萬。知情人士透露:「小齊自從埋咗岳少(林建岳)班之後,拍電影撈得好掂,年前仲一齊搞娛樂公司,依家佢只係一人之下萬人之上。不過對於置業佢好保守,見個市升到咁,近年都冇再買樓。依家佢住緊嘅陽明山莊都係租,覺得租金點升都唔及樓價高,寧願將啲錢投資公司(大岳娛樂)業務。」現時香港人個個都為買樓難上車而頭痕,任賢齊則選擇長期租屋。

父女對打

玩完堆沙遊戲後,小齊同大女轉打羽毛球。雖然 Rati只有 9歲大,但球技已算不錯。

細心餵水

小齊一有時間都會抽空陪一對寶貝仔女遊山玩水,餵仔飲水呢一幕真係溫馨。

報告行蹤

小齊還拍下很多仔女玩沙的場面,再傳給身在台灣的太太 Tina,實行報告行蹤。

老婆未有三粒星

日前在大岳娛樂的春茗上,本刊記者問他可會為老婆 Tina申請香港身份證時,小齊說:「現時(自己)公司喺香港,不過屋企人仲喺台灣,遲吓可能會搬返台灣住都唔定。依家佢( Tina)就好似遊牧民族咁兩邊飛,所以(申請香港身份證)都係順其自然。(會再喺香港買樓?)香港啲樓價好高呀!」

太太 Tina要做空中飛人,但任賢齊與一對子女卻十分適應香港生活。上周日( 15日)下午 12時許,任賢齊駕着去年尾才購入的白色 Landrover新車現身赤柱,同行還有一對仔女及外傭,一行四人在聖士提反灣玩沙。由於現場只有大群外籍人士,即使小齊身穿誇張奪目的黑白迷彩套裝,亦沒有人注意他,一家在沙灘上玩得十分自在。

現場所見,慈父小齊與一對仔女感情要好,先與細仔玩沙,再與大女對打羽毛球,最後仲齊齊坐在沙灘上食薯片,玩了一整個下午。

隆重登場

09年,小齊拖住生完細仔一年多的 Tina現身威尼斯電影節。修身後的 Tina為隆重其事穿上晚裝現身。

fit爆三點式

小齊早年帶 Tina和近兩歲的囡囡到泰國,出席白龍王轉運祈福大會。在酒店泳池邊休息時, Tina大晒三點式 fit爆身材。

最愛潮服

任賢齊出名係潮人,身為形象指導的 Tina都不甘示弱,二人不時拍拖去中環 shopping。

小齊:家庭第一

對於要兼顧家庭和事業,小齊對記者說:「要兼顧得好真係唔容易,我盡量揀自己鍾意嘅工作去做,抽多少少時間同屋企人相處。」做了老闆果然唔同啲,揀 job都可以有 say。

有米小齊身家億億聲

身為娛樂公司老闆的任賢齊,近年不止拍戲拍劇 job接 job,仲自組「男人幫」登台唱歌搵食。別以為小齊家陣搵錢叻,其實廿年前他在香港賣出一塊地皮,已勁賺 2,400萬,現時手持的港島南區南匯商場三個寫字樓單位,市值達 3,000萬,保守估計小齊身家過億元。

96年賣 6千萬地皮

1996年 7月,小齊以名下公司 3千 6百萬買入何文田街地皮,同年年底以 6千萬轉手套現。

月租 12萬陽明山莊

近年小齊一家在港租屋定居,由於有感樓價太高,故未有打算入市。

揸 45萬 Landrover

去年尾小齊買入新車,掛上自己英文名作車牌,揸出街絕對引人注意。

鍾意就快D Share啦!