林欣彤遭家暴 有人錫番 [忽然1周 - 1026] 林欣彤,MW,

周一（ 23日）晚， Mag出席英皇 15周年慶典，對家暴一事隻字不提。

媽咪姐

林欣彤遭家暴　有人錫番

都市人壓力係咪真係大成咁呀！睇吓林欣彤（ Mag）同佢初戀男友 Ben， 12年間 3度離合，最後因男友查行蹤，又懷疑戴綠帽，竟然爆出家暴分手。媽咪姐話晒睇住 Mag入行，見佢早年患抑鬱兼厭食症，健康狀況唔多好，之後多咗班朋友陪佢，個人先叫做開朗啲， Ben懷疑佢，睇嚟真係諗多咗。

其他影片：>>忍無可忍　阿 Mag勇敢站出來抗家暴

媽咪姐知道家暴呢件事爆咗出嚟， Mag唔多開心。講起被打，佢就話係兩個人之間嘅事，已成過去，唔想再提，「我唔會再解釋，佢係圈外人，希望大家放過佢。」但好彩嘅係 Mag有細佬關心，一有時間細佬就陪佢之外，感情仲好到成日 sweet sweet錫錫。話時話吖，外人唔知嘅話，仲以為 Mag有新嘅嫩口男友㖭呀！

俾男友打完嘅 Mag，身心受創，好彩有個好細佬錫番，嚟緊就靠佢保護家姐喇！

Mag話今年白色情人節（ 3月 14日）有人陪，其實係講緊佢細佬。不過驟眼睇，真係以為有新歡囉。

早喺上年年尾， Mag喺微博放咗張遮眼相，仲話因為右眼發炎，所以整呢個髮型。不過有眼利嘅網友留言問佢係咪被打。而喺今個月 2號，佢又寫咗段好長嘅留言，內容大致係話就算明知有毒，仍會一口地喝下去。似乎暗喻對感情重複犯錯。

自 12歲讀中一開始， Mag就同阿 Ben拍拖，估唔到離離合合 3次，最後因為家暴，分手收場。

上年 Mag去日本拍節目《這個聖誕不太冷》，特別坐車去北海道嘅幸福車站，希望佢同家人朋友都會幸福。但佢呢個願望，喺愛情路上冇實現到囉。

同佢拍咗 3年拖嘅羅孝勇，聽到前度俾初戀男友打，最初唔信，問係咪意外？之後又話自己有女友，唔知對方啲嘢，不過佢話作為男人，打人係唔啱。

鍾意就快D Share啦！

下一篇 》