網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月27日 星期五

與經理人反目量地半年 阿 Paul網上賣畫 [忽然1周 - 1026] Paul,阿 Paul,黃貫中,MW,



樂天黃鶯

2歲半大的黃鶯與媽咪朱茵一個餅印,性格樂天的她非常黐爹哋,經常笑瞇瞇,好可愛。

滾熱辣

與經理人反目量地半年 阿 Paul網上賣畫

被喻為香港樂壇搖滾教父的阿 Paul黃貫中, 3年前與性感女神朱茵奉女成婚。婚後老公負責搵錢養家,老婆主力湊女,只是間中出席活動賺私己錢。

好景不常,阿 Paul近年工作量大減,冇碟出又冇演唱會開,收入長期不穩定。本刊收到消息,指阿 Paul及朱茵不滿合作多年的經理人 Ada未能為他們接 job,半年前雙方反目不再續約。為撐住頭家,一向有鑽研畫油畫的阿 Paul,最近不惜將作品放上網拍賣。

阿 Paul與朱茵連日帶囡囡黃鶯在九龍城一帶活動,罕有地一家三口在公園玩耍。產後兩年半的朱茵依然未修身,女神要出山接 job,睇嚟要先減磅。







近年阿 Paul與朱茵的工作均由經理人 Ada負責接洽,朱茵自 2012年 10月誕下女兒黃鶯後,一直處於半引退狀態,兩年來曝光率非常低,而阿 Paul近年亦工作不多。

據知二人有感 Ada辦事不力,未能為他們增加工作量,故阿 Paul不再聘用 Ada為經理人,實行自己接 job。知情人士指:「佢哋雖然合作咗好多年,不過近呢兩年 Ada真係接唔到 job。你睇吓阿 Paul就知自從前年上完《我是歌手》後,就冇乜大型演出,呢兩年亦冇出過碟。朱茵仲慘,對上一次開工,已經係上年年中,幫護膚品牌做代言拍攝硬照廣告。半年前阿 Paul決定同 Ada斷絕合作關係。」

幫襯小店

這日朱茵與阿 Paul幫襯九龍城的咖啡小店,用膳後由阿 Paul埋單,二百蚊有找,非常划算。

行開扯煙

周一( 23日)阿 Paul與朱茵母女到九龍城午膳,其間阿 Paul煙癮發作走出門口扯煙。

強調自由身

周二( 24日),阿 Paul外出時承認與經理人 Ada已斬纜。至於賣畫,他表示一直喜歡畫畫。

酬勞減半𢱑撈

回復自由身的阿 Paul工作量近乎零,為重出江湖,他不惜減價搵 job。「阿 Paul咁多年嚟都未試過自由身。呢半年佢決定主動出擊,無論出 show出埠登台,或者以前佢最唔鍾意出席嘅商業 event,依家都話 okay。為咗吸客,佢仲放風話收半價都肯制。不過阿 Paul始於都係 band仔出身,鍾意做 live,依家最想就係搵人幫佢開 concert。」知情者說。

阿 Paul兩公婆的經濟狀況不至於拮据,他們現居位於九龍城的物業屬於朱茵所有,基本生活不成問題。不過囡囡黃鶯快將 3歲,要入讀幼稚園,使費一闊三大,不得不另謀財路。而畢業於香港理工學院設計系嘅阿 Paul除了創作音樂,從小更有畫畫的嗜好,閒時在家都會畫油畫。最近他便找來兒時好友兼畫家 Toda余俊偉代他在網上賣畫。本刊記者曾致電 Toda查詢。

他直認幫阿 Paul賣畫,「其實都係啱啱開始,準備競投第一幅。依家個價都去到萬幾蚊,有啲人出到幾十萬。不過冇留低資料所以唔算。當然有啲 fans諗住幾千蚊買到,不過冇乜可能!」

強勁臂彎

對住個女即變慈父的阿 Paul,將囡囡舉高再拋高,逗得黃鶯笑唔停。

捕捉溫馨父女

阿 Paul邊行返屋企邊狂啜個女,朱茵就拎住部手機影低呢個溫馨時刻。

揸筆一樣掂

身為 Beyond主音結他手的阿 Paul,除了彈得一手好結他外,原來對畫畫素有研究。今次他夥拍好友 Toda賣畫,以二人之名開了一個微博戶口,已曝光的畫作有四幅,會以拍賣形式接受私信及電話競投。第一幅名為「 Black Dog」的作品,現正接受投標,標價現已高於 1.5萬。

多才多藝的阿 Paul亦擅長攝影,分別於 02年及 07年舉辦攝影展。他不只對視覺藝術有興趣,也喜歡文字創作,先後出過《顛倒》及《長話短說》兩本文字加相片的書。

阿 Paul暫時公開了四幅作品,包括現正進行投標的「 Black Dog」(左)及即將公開投標的「 Pry」。

Toda(右)是阿 Paul的中學同學,從事繪畫的他多年來賣畫為生,二人不時在 band房交流畫畫心得。

阿 Paul畫的油畫大多是抽象派,他不時通宵畫畫,非常沉迷。

阿 Paul是天生的藝術家,無論音樂、攝影或繪畫,統統有興趣。

遺傳藝術天份

阿 Paul經常在家彈結他及畫畫,囡囡亦遺傳了其藝術天份,現在不時拿起結他及嚷着要畫畫。

Paul:冇打算追多個

本周二( 24日),阿 Paul揸車外出時接受本刊記者訪問,直認與經理人 Ada已斬纜。

記:記者 P:阿 Paul

記:知道你同經理人 Ada冇再續約。

P:係,依家冇合作,約滿冇續約。

記:咁依家要自己接 job?

P:依家我係喺真空期裏面。

記:有傳你減價接 job喎?

P:唔會,都係合理價錢。

自囡囡出世後,原本憤世嫉俗的阿 Paul被融化,為人變得和善。記者問他可會再追多個,他笑說:「唔喇!我哋冇呢個打算!」

阿 Paul努力搵 job,老婆朱茵亦有難同當。知情人士指:「朱茵產後冇拍過劇同戲,好多人都期待佢復出。佢脫離經理人後,即刻有內地經理人公司搵佢,今個月初仲正式簽約,不過冇大搞之嘛!」據知,朱茵所簽的是凱藝國際,旗下藝人包括蔡少芬、張晉、陳法蓉、鄭佩佩、原子鏸、伍詠薇等,主攻內地市場。

遊樂場 Free Play

上周六( 21日),朱茵一家三口到九龍寨城公園的遊樂場玩耍,黃鶯(黑波點衫者)滿場飛好興奮。身穿短袖 T恤的朱茵上圍與巨躉依然好有分量。

憔悴師奶

朱茵雖戴上有色眼鏡,但仍難掩面容憔悴。

攝影師爸爸

鍾意影相的阿 Paul,不時用手機拍低朱茵母女的一舉一動。

九龍城打躉

阿 Paul兩公婆暫時未有工開,終日弄女為樂。上周六( 21日),阿 Paul與朱茵罕有地帶囡囡到附近的九龍寨城公園玩。周一( 23日)一家三口又到九龍城的平民 cafe食午餐,一家所需都在九龍城解決,真係慳唔少。

嫁雞隨雞的朱茵夫唱婦隨,不過她的身形依然脹爆,面容憔悴,不復當年性感女神之勇。要復出幕前,朱茵真要努力保養至得喇!

重磅回歸

朱茵向來以激凸身材做賣點,只可惜產後體重一發不可收拾。 3月 5日朱茵在微博公布簽約凱藝國際,亦自嘲重磅回歸。

姊妹重聚

朱茵早年與陳法蓉及蔡少芬同屬一經理人,事隔多年,幾姊妹再簽同一公司。

一年接一 job

朱茵 2012年與阿 Paul奉女成婚,婚後甚少露面。她對上一次開工已是去年 7月為護膚品牌瑞士葆麗美拍攝硬照廣告。而前年 9月拍攝的《 Mian is品質香港》微電影,已算是最近一次出現熒幕,名副其實一年一 job。

2014年護膚品代言

2013年拍微電影

鍾意就快D Share啦!